وصلت الى موقع العرب، هذه الرسالة من فتاة، تطلب نشر رسالتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

يا موقع العرب ويا ناس ساعدوني شو اعمل مصيبة ورح تصير. انا بنت من حيفا ساكنة انا والبابا واخوي الماما من اصول رومانية مطلقة من شي 19 سنة. خلال هدول السنين ما شفناها ولا سمعنا صوتها ولا منعرف عنها شي. بيوم من الايام ولا في بنت بتدق بابنا فتحت الباب ولا هي بنت حلوة كتير كتير سالتها مين انت ما حكت بالعربي بعدين عرفت انها اختي من امي الي تجوزت من بعد البابا . المهم هي امي ودتها لعنا لحتى نتعرف وتتعرف علينا انا اعتبرتها اختي بس اخوي لا.. اخوي كل الوقت بحسو بطلع عليها نظرة غريبة قلت لحالي يمكن انا كون غلطانة واني بتوهم. بعد ما رجعت اختي على بلدها اعطتنا بريدها الالكتروني الماسنجر يعني.. اخوي كان كل الوقت يحكي معها وانا كمان شي يوم اخوي كان بالحمام والمخشيف مفتوح رحت بسرعة اشوف مع مين بحكي ولا بحكي مع اختي والحديث الي كان يدور بينهن بقشر البدن انو اخ يحكي لاختو هيك حكي انصدمت صدمة قوية ولما رجع قلتلو شو هاد؟ قلي انت ما دخلك انا بحبها وبدي اتجوزها يا عالم شو اعمل وكيف اتصرف اخوي مش صغير عمرو 21 سنة وبدو يتجوز اختي من امي حتى ولو ما تجوزها كيف بقدر ابعد هاي الافكار عنو انا مش مسترجيي احكي للبابا وهو كمان مش مستوعب انو هاي اختو ساعدوني ارجوكم!