أبرز ما جاء في الرسالة:

أبوي عمّر لاخوتي دار لكل واحد منهن وانا رفض بتاتا انو يساعدني .. بوقتها حسيت قديش بكرهني وقديش أنا ما بعنيلو

أنا متفهم وواعي بس عندي شعور أنو أبوي بكرهني ويفضل اخوتي علي، هذا الشعور براودني وبلاحقني من لما كنت صغير

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

أنا شاب عمري17 سنة مشكلتي يمكن تكون سهلة الكو بس مفهومها كتير صعب علي ! حياتي مرتبطة بين عذاب الظلم وبين الحنان والعطف.

صورة توضيحية

أنا متفهم وواعي بس عندي شعور أنو أبوي بكرهني ويفضل اخوتي علي أنا الصغير بينهن أخوي الكبير عمرو 25 سنة والتاني 23 سنة، هذا الشعور براودني وبلاحقني من لما كنت صغير!! بدي أعطيكوا مثال ويا ريت تحكموا بعدل.. وضعي بالبيت كتير بيأس لأنو لما أواجه مشكلة معينة بلاقيش أبوي حدي عشان يساعدني وأخد منو النصايح أما لما اخوتي يقعوا بمشكلة دايما بساعدهن وبعطف عليهن. بسألنيش عن تعليمي ولا ازا كنت مضايق من ايشي معين وسنة عن سنة الوضع عم بصير أسوأ ..  أبوي عمّر لاخوتي دار لكل واحد منهن وانا رفض بتاتا انو يساعدني .. بوقتها حسيت قديش بكرهني وقديش أنا ما بعنيلو.. مش عارف شو أعمل .. شو بتنصحوني ؟؟ خايف أتوجهلو واحكيلو عن الموضوع ويصير عكس شو أنا بدي !! 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il