- أبرز ما جاء في الرسالة:

*  انا صرت اجبرها تعمل شغلات زياده عن طاقتها وهي كانت تسمع كلامي

* حكيتلها انو نترك بعض هي بكل سهوله حكتلي على راحتك وفعلا ضليت كم يوم ما احكي معها بس ما تحملت ورجعت حكيت معها

* قررت اسافر وفعلا بدي سافر بس امبارح طلبت من اختها انو احكي معها مشان اودعها بس للاسف رفضت انو تحكي معي او تخليني سلم عليها

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا لاحلى موقع انا شاب حبيت بنت من بلد اوروبي (السويد) وعلاقتنا بصراحه كانت كتير منيحه بس باخر فتره انا صرت اجبرها تعمل شغلات زياده عن طاقتها وهي كانت تسمع كلامي بس اخر شي زهقت وحكتلي انها ما رح تعملي الي بحكيلها اياه انا حكيتلها انو تتحملني بس على الاقل لحتى اجي لعندها وبعدها كل شي رح يتغير بس هي رفضت وانا صرت اطلب منها وبالاخر وافقت بس تاني يوم اتصلت فيها وما ردت علي وانا صرت اتصل على صاحباتها وهيك وبالاخر هي حكت معي وحكتلي انو خالها عرف بعلاقتنا وانو حرمها من التلفون والنت وانو هي بالمشفى الها 3 ايام انا خفت كتير وقلقت بس بعدها انا سالت ناس من عندها وحكولي انو ما في هيك شي وانها بتطلع وبتروح ومبسوطه وما صار اي شي معها.
 

صورة توضيحية

انا تضايقت كتير وصارحتها وهي صارت تنكر هاد الشي انا وقتها احترت وحكيتلها انو نترك بعض هي بكل سهوله حكتلي على راحتك وفعلا ضليت كم يوم ما احكي معها بس ما تحملت ورجعت حكيت معها وحكيتلها انو نضل مع بعض اصحاب هي وافقت بس متل ما بيعرف الكل انو الحب ما بيتحول لصداقه انا طلبت منها انو كل شي يرجع متل اول هي رفضت وقتها انا انجبرت اني اوافق انها تعمل الي بدها اياه تروح وتطلعي وتيجي وكل شي بس معدا انو تحكي مع حدا غريب هي برضو وافقت واتفقنا وكل شي تمام وتاني يوم اتصلت عليها ما ردت علي وبعدها بكم يوم بعتتلي رساله على تلفوني بتحكيلي مرحبا كيفك يعني ولا كانو صايير شي ولا كاني حبيبها كاني واحد غريب انا ما تحملت الي بتعملو فيي وحكيتلها انو ما فينا نكمل مع بعض هيك والافضل انو كل واحد يومح بطريق وبسهوله اكبر وافقت وحكتلي متل ما بدك انا بصراحه من اليأس قررت اسافر وفعلا بدي سافر بس امبارح طلبت من اختها انو احكي معها مشان اودعها بس للاسف رفضت انو تحكي معي او تخليني سلم عليها وقتها كانت صدمه كبيره بالنسبه الي وبصراحه وصلت لدرجه انو ابكي بعد كل شي عملتو مشانها وضحيت باغلى الناس عندي اهلي واصحابي مشانها ترفض حتى انو تحكي معي مشان اودعها انا كمان كم يوم رح سافر ولحد اسا رافضه تحكي معي والمشكله اني لحد اسا بحبها مع اني عارف انها ما بتحبني يمكن هي رح تقرأ رسالتي ورح تعرفني وبحب احكيلها انو كل شي عملت انا مسامحك علي ولا تنسي اني بحبك كتير وما رح انساكي ياريت زوار موقع العرب يعطوني رأيهم بقصتي وشكرا الكم وشكرا لاحلى موقع.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il