- ابرز ما جاء في الرسالة :

*  متزوجه وبحب زوجي الحمد الله زوجي

* زوجي بيطلب مني ارتداء الحجاب وانا بكل صراحة غير مقتنعة وخايفة

* مش عارفي اذا الحجاب واجب عنا في الدين وانا خايفة اكثر انو تتغير وجهة راي الناس

* راح ابطل انوي اروح مناسبات وافراح يعني راح اخسر شغلات كتير بسبب الحجاب  وانا بحب الحياه واني اهتم بحالي

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائيةالرسالة كالتالي :

مرحبا لموقع ومرحبا لجميع زواره ، أنا فتاة  عمري 25 سنه أريد طرح مشكلتي انا متزوجه وبحب زوجي الحمد الله زوجي من فترة اتدين وصار يصلي ويحافظ على الامور الدينية بشكل كبير يعني ما عاد يسلم على نسوان او حتى يختصر من الجلسات معهن وحتى طلب مني طلب انا ما اتوقعتوا طلب مني ان اتدين والبس الحجاب وهون صارت المشكلة الكبيرة.
انا من عائلة غير ملتزمة دينيا وتربيت عن اهلي على الطلعات والمشاوير على البحر وانو البس الي بيعجبني وبيريحيني ولما خطبت زوجي كان مثلي بس تقرب للدين بعد ما اتزوجنا .
زوجي فتح الموصوع معي اكثر من مرة وانا ما مقتنعة ابدا  فصار يحاول انو يقنعني باي طريقة كانت حلوة او مش حلو يعني بالضبط كانوا بيحضرلي نفسيتي لالبسو  بس انا الصراحة  ما اقتنعت وفكرة الحجاب مش براسي ابدا والصراحة اكثر مش عارفي اذا الحجاب واجب  علي انو اسمع لرايو لاجلو هو بس ؟ لاني  انا بحب البس وازبط حالي وما بحب اتقيد من  ناحية لبس وانا خايفة اكثر انو تتغير وجهة راي الناس في بعد ما البس الحجاب , لانو المجتمعات بتنظر للمرأة المحجبة بطريقة غير شكل , وانا مش حابي تتغير وجهات الناس معي بسبب الحجاب , بالذات اني راح ابلش ادور على شغل . وما بيخفى عليكوا العنصرية الموجودة ضد المرأة من ناحية حجاب . وغير هيك راح ابطل انوي اروح مناسبات وافراح يعني راح اخسر شغلات كتير بسبب الحجاب .

صورة توضيحية

خايفه البسو امآقدر عليه  يعني بعد فترة ارجع اشلحو, والاصعب كيف بدي اكون مع زوجي بنفس البيت وهو مش راضي عني !بدي تساعدوني  هل لزوجي الحق بانوا يقرر عني فكرة البس الحجاب او لا يعني كيف اقتنع بالفكره ؟ او حتى كيف اقنع زوجي بفكرة ما البس الحجاب ؟بدي ردود و حلول تساعدي بدون جرح بشكر الموقع كتير .

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il