- ابرز ما جاء في الرسالة:

*  لم نتزوج عن حب ولا مرة كان في بينا حوار رومانسي في الخطبة كان كتير الجو ناشف

* انا امرأة  متزوجة منذ 3 سنوات من ابن عمتي اللي كان اهلي واهله متفقين ان يزوجونا

* اعترفلي انو بعمرو ما حبني بس هو اخدني لأنو امو وابو هيك قررولو او بالاحرى ظلمو معي

* مش مقصرة من ناحيتو من اي شي ومحافظة على نفسي من جميع النواحي ومش ناقصني اشي

* كان كتير يبعتني عند اهلي وما يوخدني الا بعد اسابيع. وعشان هيك انا ما حبيت اجيب منو اولاد اسا حتى ما اظلمهن معي بالجحيم

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالي:
انا امرأة من الشمال عمري 23 سنة متزوجة منذ 3 سنوات من ابن عمتي اللي كان اهلي واهله متفقين ان يزوجونا وهكذا عندما كبرنا وتزوجنا لم نتزوج عن حب ولا مرة كان في بينا حوار رومانسي في الخطبة كان كتير الجو ناشف بينا رغم اني حاولت كتير معه وفكرت انه راح يتغير بعد الزيجة او بالاحرى هيك فهموني...


صورة توضيحية

اول عام من الزواج اردت ان اكمل تعليمي خصوصا اني كنت ناجحة في المدرسة لكن عمتي قالت لا انتي متزوجة انتبهي ! لبيتك وزوجك احسن من هاد الهبل وانا قبلت و فكرت انو راح يكون شغلات تانية بحياتي احلى واحسن من التعليم. وانا ما مقصرة من ناحيتو من اي شي ومحافظة على نفسي من جميع النواحي ومش ناقصني اشي. وخلال اول سنة ما كنا نتفق انا وابن عمتي اللي هو زوجي على اي شي و ما زلنا لا نتفق رغم كل محاولاتي بحوار هادئ وكلام حلو.ورغم انو كبار العيلة تدخلو و بردوا ما قدرو يحلو اشي, وكان كتير يبعتني عند اهلي وما يوخدني الا بعد اسابيع. وعشان هيك انا ما حبيت اجيب منو اولاد اسا حتى ما اظلمهن معي بالجحيم هاد وهاي النقطة ما بدها تفهمها عمتي وبتقول انو انا ما بجيب ولاد ولازمني طبيب ب! سرعة. ومن اسبوع اعترفلي انو بعمرو م١ ا حب ني بس هو اخدني لأنو امو وابو هيك قررولو او بالاحرى ظلمو معي كأني انا اشي بتعيب فيه او اشي ناقص . انا كتير انصدمت وحتى ما اشعرو بضعفي قلتلو وانا كمان بعمري ما حبيتك ولا راح احبك. بس ما طلبت الطلاق.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il