ابرز ما جاء في الرسالة:
* زوجي لا يهتم بي، ولا يعيرني اي اهتمام، وما يشغله العمل، والسهر مع الاصدقاء والعودة في ساعات الفجر

* تعرفت الى شاب وسيم وطيب القلب احسست معه بكل الحنية والعطف والدفء وكنت اعتبره بمثابه زوجاًَ لي

* بعد اشهر من العلاقة تحابينا والتقينا كعشيقين تبادلنا القبلات والاحضان، و.... انا الآن حامل ولا ادري ان كان من زوجي ام من عشيقي

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

الرسالة هي التالي:

مرحبا للجميع
انا سيدة عمري 27 عام، متزوجة وعندي بنت وولد، عندي مشكلي حبيت اشاركو فيها عشان تساعدوني وتعطوني النصيحة
انا عانيت بحياتي وسبب هالمعاناة كانت زوجي اللي مش عم بعيرني أي اهتمام ولا بحسسني بالحب والدفء والحنان خصوصا من لما خلفت اول مرة، وغير هيك هو دايماً مشغول يا بشغلو، يا مع اصحابو وتاركني انا بالبيت لحالي، والله بعلم شو ممكن يكون يعمل بالليالي اللي كانت تصير فيها الساعة 3 و4 وهوي مش بالبيت والصبح من الساعة 8 بفيق على الشغل ... استمر هذا الوضع على مدار اشهر طويلة، وهذا الاشي خلاني ابحث عن أي موضوع يمليلي الفراغ الاجتماعي والعاطفي حتى، حاولت كثير مرات من خلال الانترنت اتعرف على ناس اللي يسلوني واتسلى معهن بس كمان مفيش نتيجة. وخلال هاي الفترة شاركت بحفلة زفاف احد الاقرباء من طرف والدتي، وكان في العرس شاب كثير وسيم، وجينتل، تصرفاتو، شخصيتو، صرت اتخيلو زوجي، وطوال السهرة استرق النظرات وأطلع عليه، وحسيت انو هوي كمان عم بطلع فيني، وكأنو اللي كان ببالي هو نفس الشي اللي فكر فيو، خلال السهرة وبالصدفة التقينا على انفراد خارج قاعة الافراح، وتبادلنا اطراف الحديث واعطاني رقم تلفونو من دون ما يعرف مين انا، واذا متزوجة او لأ.. وبالليلة اللي بعدها اتصلت فيو في اول مرة حكينا 5 ساعات متواصلة، وصرنا نحكي ما بين التلفون والمسنجر ونتبادل الصور واطراف الحديث ومواضيع عديدة من ضمنها مشكلتي والفراغ العاطفي اللي بعاني منو وانو انا متزوجة، يوم بعد يوم اتعلقنا ببعض، وصرت اشعر بشغلات ولا مرة حسيت فيها، حسيت بالحب الصادق والجنوني الو، وضلينا نحكي اسابيع، حبينا بعض، حسيتووو زوج الي عن حق وحقيق. وبعد فترة وجيزة طلب انو نتقابل وافقت بدون تردد ومن اول لقاء بعد ما اصبحنا اكثر من اصحاب وتماماً زي اي عشيقين تبادلنا القبل والاحضان، كنت اشعر معو بحنان ودفء ما بيوصف، الى انو شي مرة تقابلنا فيها لم استفق الا وانا في احضانه على سرير في واحد من الاوتيلات في المنطقة، وما تخوفت من هالشي شيلي لأني كنت احبو بس اللي حيرني انو اكتشفت بعدين انو انا حامل !!!!

وانا اسا بحيرة مش عارفي الجنين اللي ببطني ابن زوجي ولا ابن عشيقي !!!! مش عارفي شو اعمل وكيف اتأكد، هل اخلي واربي واحبو زيو زي ولادي... ولا اذا نزلتو رح ارتاح من العبء اللي رح يرافقو...
حبيبي بقولي انو من المفضل اني انزلو عشان نرتاح من هاي المشكلة نهائياً…
وشي مرة سألت النارسة اللي بتساعدني وبتهتم بحملي وحكيتلها مشكلتي قلتلي مؤكد انو هذا الجنين اللي ببطنك هو ابنك ... انسي الموضوع وكملي حياتك طبيعي...
وانا عنجد محتارة وطالبي مساعدتكو ... بتمنى ما تسبينو ولا تتمسخرو بتعقيباتكو لأنو كل واحد في عندو هم على قدو
وتذكرو قول المسيح: من منكم بلا خطيئة فليرمها بحجر"
 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il