احب ابن جيرانا هو مسلم وانا مسيحيه
وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..
انا قصتي بديت مع ابن جيرانا هو مسلم وانا مسيحيه حبينا بعض كتير وعشنا قصة حب ولا الخيال وكان كتير يحبني
وحسسني بانوثتي الي محسيتهاش مع ولا حدا تاني غيرو ضلينا مع بعض 3 سنين وكنت اضل عندهن بالبيت وكنا
عيله وحده لحد ما بيوم قررنا انو نتجوز هو طلبني ووفى بوعدو بس اهلي مقبلوش طبعا مع انو احنا جيران واصحاب
بس بهيك مسائل اكيد مش رح يتفقو لحد ما اجا عريس واهلي اتفقوا اني اتجوز ووافقيت غصب عني لاني خفت علي من اخوي
لانو هدد انو رح يقتلو وافقيتواتجوزت وقلبي ضل معو لحد اسا وبعد زواجي بعدني بحبو ودايما بشوفو بحكم انو جار اهلي وكل فرصه
بتسمحلي بسال عنو وبحب اشوفو لحد ما قدرتش اتحكم بعقلي وقلبي رحت عندو عالبيت وقلتلو انو بعدني بحبو بس بحكم زواجي هو
حب بنت تانيه وناوين عالزواج وانا طار عقلي مش متخيلتو مع بنت تانيه غيري هو حبيبي وكل اشي بحياتي هو الي علمني الحب
وكيف الحب بكون انا دايما بحاول اخلي يرجع الي بس هو بحب حبيبتو ومتجاوبش معي وقلي انو ادير بالي على جوزي وعلى بيتي وابني
بس شو اعمل بعقلي وقلبي الي مش قادرين ينسو بعد سنتين من زواجي وبعدني بحبو وبزيد حبي الو يوم بعيد يوم شو اعمل وانا ازا شفتو مع
وحده تانيه يمكن اموت بحس اني مش لازم اعيش الا معو وبعدني عايشه على حبو وصوتو وصورتو بتمنى محدا يقولي انساه لاني بقدرش وشكرا
للجميع ورجاءا بدون تسميع حكي لانو الي ايدو بالمي مش متل الي ايدو بالنار وازا حدا مداق لوعة الحب ميعقبش
موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il
تابع كل العرب وإبق على حتلنة من كل جديد: مجموعة تلجرام >> t.me/alarabemergency للإنضمام الى مجموعة الأخبار عبر واتساب >> bit.ly/3AG8ibK تابع كل العرب عبر انستجرام >> t.me/alarabemergency