يا اللّي غيرك عَم بِتلوم ____ بتبقى مش شايف مليح

في عيونك خشبِه كبيرِه ____ إقلعها تَتشوف صحيح

______________________________ 

وبالأول إفحـص قلبَـك ____  تَتِعــرف كـل ذنـوبَـك

وشو مخبّي شايف ربّك____ وبيعـرف كل عيـوبَـك

أُطلُب غُـفرانُـه لذنبـَـك ____ربّك عـارف ملعـوبَـك

بضميرَك ياللّي تَعبـَك ____ تُب لربَّك كُن صريــح

______________________________ 

اللّي بيشوف عيوب الناس__ ومَعمي عن كُل عيوبُه

ما هو مُبصِر بالأساس ____مـاشي وتايِـه بِـدروبُـه

لا مشاعر ولا إحساس ____النميمِـه هي مطـلوبُـه

كلامُـه مِثل الرّصاص ____ ما هَمُّه مين الطَّـريح