الخَوفِ بيِعمي قلبَك  ------ بيِعمل  لِعَقلَك  تَجميد

ما بيِسمَحلَك تِتحَرَّك ------ ولا بتِقدر تِعمل تَجديد

_____________________________ 

وِالإيمان  هُوَّ  اليقين ------ بتِبقى راسخ مِثلِ جبال 

بقُـدرِة  ربِّنـا المُعيـن  ------  بتِقـدَر تحَقِّــق  آمـال 

لا تخلِّ بفكرَك تَخمين ------ بِالصِّدقِ تْلاقي المَنال

لا تِحسِب إنَّك مسـكين ------ خَـلِّ الإرادِه  حَـديــد 

______________________________ 

إمشِ وَسِّعْ  خُطواتَك ------ لا تْوَقِّفْ في نُص الدَّرب 

تَتْحَـقِّــق نجـاحـاتَـك  ------  وتـوصَل بِـقُـدرِةِ الــرَّب 

إعمَل بِكُل قُـدراتَـك  ------ عَلِّ فَوْقِ طـيور  السِّرب

ما تِسرَح في خيالاتك ------ لا تْخَـلِّ الهــدف بـْعـيـد

________________________________

شَجِّعْ نَفسَك وِاحكيها ------  حُـطِّ  الهــدف  قُـدّامَـك

أنا  قـادر أســاويـهــا ------   راح بِتحقِّقْ أحلامَك 

روحَك راح بِتداويها ------ لَمّـا تحَقِّــق آمـالَـك 

بتِسوى الدِّنيي وما فيها------ لمّـا َ تحَقِّــقها أكـيـد