الأكثر قراءةهذا الأسبوع
آخر تعديل: الثلاثاء 23 / يوليو 12:02

زجل القلبُ الفارغ لا يشعر بالسعادة

أسماء طنوس
نُشر: 05/07/24 17:25

لَوْ قلبَك فاقِدُ الحُب  ---   ما بتقدر إنَّك تِعطيه 

لَوْ بَرَّه فَتَّشْتِ عليه --- ما بتِقدر حَتّى تلاقيه

__________________________ 

فاقِدِ الشّي لا يُعطيه   --- وفي قلبُه فراغ كبير

ما بيِقدر يِسعِد غيرُه  --- وجُوّاتُه مْعَثَّر تِعثير

وعَم بيفَتِّش عَالفرحه --- ع َوِجهُه يِمْحا التِّكشير

ويُرسُم عَليهِ البسمِه ---  تَالْبَسمِـه بِتغَيـِّر فيـه

___________________________ 

السّعادِه كيف تيجي مْنين--- وقلبَك ما شَعَر فيها

لَوْ بِتفَتِّش عَنها سْنين  ---  بَـرّا ما بِـتـلاقـيـهـا

ما بْتُسكُن بِقَلبِ حزين--- وكيف روحَك تْداويها

لَوْ في روحَك الحنين ---  السَّعادِه بتُنبُض فيـها

مقالات متعلقة