وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:
انا شابه عمري 20 سنه متزوجه صارلي 3 سنين ومش متفقه مع جوزي من مره، من البدايه ما بدو اياني بس صارت ظروف كتيييييير صعبه اللي تجبرو انو يقبل يتجوز وحده ما بحبها مش لاني مالي اشي بس كل انسان الو قناعاتو بالحياه باختيار شريك الحياه وانا كنت اعرف بعدم قناعتو فيي بس عيشتي عند اهلي كانت جحيم وحاولت شتى المحاولات انو اتفق معهم ما قدرت كان النفور دائما من نحيتهم يمكن لانو عندي طموح اتعلم واشتغل واكبر واصير وهم لا عندهم البنت للمطبخ والجيزه فقط لا غير وافقت انو اتجوز وقلت اكيد رح اعمل المستحيل انو يحبني ويقبلني بس عالفاضي كل مواصفات اللي بتمناها اي شب اعملتها من نضافه من جمال من دلع من كلام حلو وكل طلباتو كن فيكون لكن اللي اعرفتو من تجربتي المحبه من الله وشو ما يعمل الانسان ليكسب حب شخص معين وهو قناعته بعيده كل البعد عنه لو جماااااااال الدنيا ينزل في هالانسان ما رح يصير حب يعني بحكيلي جوزي انت حلوه والف شب بتمناكي بس انا لا واللي مخليني معك روحك لانه لو لقيت البنت اللي بتمناها ما رح تكون حنونه وقلبها متلك وانا نفسي اتخلص من هادا الوضع واللي مصبرني انو ما بدي ارجع لعيشة اهلي اللي اكيد الحروب رح تكون بينا اذا وانا بنت ما خلصت كيف لما اكون مطلقه وهادا اللي خانقني واللي بزيد الطين بله انو يا ريت انا وجوزي عايشين حياه طبيعيه انو خلص نصيب ولازم نرضى فيه عدم قناعته مأثره عليه كتير من معاشره ومن انو كلام حلو او كلمة بحبك هاي لحالها بتسوى الدنيا وما فيها شو الشعور لما تسال الوحده جوزها بتحبني يرد ويحكي كم مره قلت ما تساليني هالسؤال يعني عايشين شبه اخوه بالبيت لسا الاخو بحكي حكي حلو مع اخته هو لا وغير هيك اهله اللي موتوني وما بحبوني طبعا لانه الابن ذات نفسه ما بحبني كيف هم طبعا المهم راحة ابنهم اذا ما كان مرتاح كيف بدهم يحبوني واللي بزيد الطين بله انه صار بدو ولاد وخصوصي اللي تجوزو بعده وقبله خلفو وصار عندهم ولاد واحنا الله ما اطعمنا والحمدلله على كل اشي كنت نفسي يكون الي بيبي صغير اعطيه كل الحنيه اللي مش ماخدتها ومش قادره اعطيها لحد بس الله كريم وزي ما قال سبحانه وعسى ان تكرهو شيئا وهو خير لكم وبالرغم من النقص اللي عايشه فيه من حب وحنيه وحكي حلو ومحبه او حتى شعوري بكوني انثى مش عم بحس فيه لانه عدم شعور جوزي ناحيتي بالقناعه والرغبه حسسني اني ولا اشي مع انه بس اطلع من البيت ما بمرق شب الا يتمنى كلمه او رقم او شي انو بس احكي معي وانا بنت اوعى من هيك واهلي ربوني على مبادئ وقيم بالحياه والشرف والسمعه اغلى اشي بالدنيا ومستحيل بحياتي اطلع لبره لمجرد انه عندي نقص لاي كان من الامور بس البنت قد ما تكون وتصبر وتتحمل وبتعمل المستحيل لترضي جوزها مقابل شو بس طبعا لتلاقي ضحكه وابتسامه وكلمه حلوه من شريك حياتها اللي عايشه معه تحت سقف واحد وانا مش قادره اتحمل والله والله والله تعبت حبيت شخص وهو حبني كتير حاولت امنع حالي انو ما اتعلق فيه وبعرف اني متجوزه بس الانسان مش بايدو يختار مين يحب  هاي مشاعر الانسان ما بقدر يتحكم فيها يتخيل حالو كل واحد فيكو عايش 24 ساعه مع شخص ويكون شريك حياتو بدون محبه ولا كلام حلو وجفا ونقار ومشاكل وعدم تفاهم ولمده 3 سنين يا امي والله حرام يضيعو سنين من عمر الانسان بس هيك عشان شو الواحد عايش اذا اهم اشي بالدنيا اللي هو الراحه النفسيه او انو تحس بالامان اذا قلت اخ حد يخاف عليك مش شو اعملك يعني... ويلي بحبه مستعد يتجوزني بس انو اطلق بحبني كتيييييييير بقلي من شان الله اطلقي ومن بكره بطلبك من اهلك ولو اهلي ما قبلو ما بهتم لحدا لانه هادا اختياري وانا اللي بدي اتجوز مش هم لو بكلفني حياتي المهم اكون معك وانا كل ما اسمع هالحكي ببكي لانو اول مره بحاتي بحس بالدفـا والحمدلله كل واحد فينا عنده دين وبدو اياني على سنة الله ورسوله.... وانا حبيبها عمري 25 سنه حبيتها من كل قلبي والله بعلم شعوري ناحيتها  بخاف عليها وبدايقني حتى وجودها مع شخص تاني مع انو جوزها بس الغيره دابحتني ومستعد اعلمها واحقق كل احلامها ومدايق كتير لوضعها ونفسي اطلعها من اللي هي فيه باسرع وقت بس هي قلبها طيب كتييييييييير وخطوه متل الطلاق كتير صعبه عليها ورح تمر باوقات كتير رح اتدمر نفسيتها ورح تتعرض لمشاكل كتير وخايف اهلها يجوزها اول عريس يتقدملها لانه هم كتير شديدين لدرجة ممكن انو يجوزوها بالغصب وانا اتقفت انا واياها انو لما تطلق وتخلص العده اتقدملها ولبين ما اقنع اهلي ويقبلو واحل مشاكلي معهم خايف يصير اشي  ويبعدنا مشكلتنا صعبه كتير والله منحب بعض اكتر ما بتتصورو احنا طولنا عليكم كتييييييييير بس حبينا نطلع اللي بقلبنا ونسمع رايكم ونصايحكم ويا ريت تحكو بضمير ووعي ومش انو زت حكي لانها متجوزه ومنحب بعض احنا ما منعمل غلط وانا رايدها بالحلال والله لا يدوق حدا هالشعور اللي بمر فيه كل واحد فينا لانه اصعب اشي بالدنيا الحرمـان وشكرا كتير

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il