أبرز ما جاء في الرسالة:

انا عامل وبشتغل بمطعم ببلدنا مشكلتي اني حبيت فتاه من النظره الاولى 

كل هدفي شريف قسما بالله حبيتها من دون ما اعرف مين هي انا ما بهمني جمال البنت بس بهمني أخلاقها وسمعة اهلها

بلاخر قويت قلبي طلبت من جوز أختها انو احكي معو كلمتين عجنب بخصوص انو رايد البنت بالحلال وعسنة الله ورسوله

حكتلو انو انا بدي اياها وحكالي انها مستحيل تتزوج لبلدنا ومستحيل عمامها يوافقو ولا هي خاصتا لهلبلد مع انو بلدنا بتبعد عن بلدهن بس ربع ساعه

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا للجميع.. انا شاب من قرى الشمال عمري 23 سنه بدي اطرح عليكم مشكلتي وبتمنى تساعدوني لانو الموضوع بتعلق بالإرتباط الجدي والزواج انا الحمدالله انسان صادق واخلاقي حسنه وبشاهده كل مين بعرفني ببلدي وعائلتي خاصة.


صورة توضيحية
 
انا عامل وبشتغل بمطعم ببلدنا مشكلتي اني حبيت فتاه من النظره الاولى كانت هي واختها وجوز اختها وبنتهن بلمطعم اللي بشتغل فيه ما بعرف هالبنت دخلت قلبي بسرعه جذبتني حسيت إنها البنت اللي بدي اياها حاولت اتقرب منها انو اتعرف على جوز اختها بس ما اعطوني وجه فكرو انو غرضي عاطل لسمح الله او نيتي غير شريفة كالبعض من الشباب.

جمال كلاطفال
بس انا كان كل هدفي شريف قسما بالله حبيتها من دون ما اعرف مين هي انا ما بهمني جمال البنت بس بهمني اخلاقها وسمعة اهلها وسمعتها ومع انو بتملك جمال سبحان الله بريئ كلاطفال وجها كثير حلو كل هاض ما همني الا همني تصرفاتها وخجلها بغطي عن كلشي حاولت بشتى الطرق اتقرب منهن واسال عنهن وعن عائلتهن واحكي مع جوز اختها بلاخر قويت قلبي طلبت منو انو احكي معو كلمتين عجنب بخصوص انو رايد البنت بلحلال وعسنة الله ورسوله.

خشي من علاقة سرية بيننا
بلأول استغرب من طلبي وصار يضحك وحكالي انو انت بتمزح يا زلمي وسالني اذا بتعرفها من قبل بتعرفها من قبل قلتلو أول مره بحياتي بشوفها حسيتو انو شك انو في بيني وبينها علاقه وصارت علامه الغضب تبين عوجهو بس ما في أي علاقة سرية بينا حكتلو انو انا بدي اياها وحكالي انو لبلدنا مستحيل عمامها يوافقو ولا هي خاصتا لهلبلد مع انو بلدنا بتبعد عن بلدهن بس ربع ساعه مش اكثر وحكالي انو بهيك طريقه مش الواحد بتعرف وبوصل لانو البنت أهلها متوفيين وطبعاً الكلمة لكبيرة لعمامها واخوتها لانو الهن فضل كبير عليها.
 
البنت ما بتتعوض
أخد مني نمرة تلفوني ليتاكد مني ويعرف انو حكيي كان بمجمل الجد أنا سالت عنها ناس من بلدها واحنا النا معارف وصحاب من بلدها حكولي إنو البنت ما بتتعوض بنت محترمة بشكل وبنت عالم وناس وكل همها رضى ربها عنها وأبوها رحمه الله الكل بيشهد باخلاقو وسمعتهن طيبة ومليحة بين الناس انا حاولت احكي معها واتقرب منها وما اعطتني وجه ضلت امطي راسها بلأرض وهالشي اكثر شجعني بلإرتباط فيها طول الوقت بفكر فيها والله ما عم بتروح عن بالي حكيت لاهلي عنها موافقين يحكولي بيها بس والله خايف تفشلني وترفضني وتاخذ عني فكره عاطله لانو طريقه تعارف كانت بمكان عام انا ارتحت كثير لما عرفت بنت مين بتكون وسمعتها كيف وتاكدت منها مليح لانو احنا بيتا اتعلمنا على إحترام الغير واهلي ناس بصلو ومنخاف ربنا وسمعتنا محفوظه انا بتمنى تشوف المشكله وتعرف انو نيتي صافيه إتجاها وغرضي شريف وباذن الله راح ابعث اهلي بس انا خايف من رده فعل أعمامها ورفضهن إلي بشو بتنصحوني وانا راح اتقبل اي رد ان كان سلبي او ايجابي وانا واثق من نفسي لهيك مش راح اضايق من ردوكم ..السلام عليكم ورحمه الله وبركاتة.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il