- أبز ما جاء في المشكلة:

* إمي الظاهر بعد ما ضمنت اني رح اتجوز وصرت كبير ومسؤول عم بتفكر بالزواج

* انا شاب محترم عمري 22 سنة مش من شباب جيل اليوم بمعنى اني بعتبر حالي راكز

* انا وحيد أهلي، او بالأحرى وحيد إمي لإنو أبوي مات لما كنت انا طفل وما وعيته.. وكانت امي كل شي بحياتي وندرت عمرها وكرستو على شاني

* تخيلوا انا العريس قال بدي اتجوز مع امي.. ما تقولولي حقها ومش حقها ودفنت عيشتها كرمالك؟ انا هذا الكلام ما بمشي عندي شو هي بدها تبهدلني قدام دار عمي وخطيبتي؟

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لجمهور موقع العرب والزوار وكل المعقبين على امل اني الاقي عندكو جواب على مشكلتي العويصة. وبصراحة انا شاب محترم عمري 22 سنة مش من شباب جيل اليوم بمعنى اني بعتبر حالي راكز ومحظوظ اني لقيت فتاة احلامي اللي صرلنا خابطين سنة وقريبا رح نتجوز.

صورة توضيحية

المشكلة انو انا وحيد أهلي، او بالأحرى وحيد إمي لإنو أبوي مات لما كنت انا طفل وما وعيته.. وكانت امي كل شي بحياتي وندرت عمرها وكرستو على شان انا اكون مبسوط وراضي. بعترف انها دفنت حياتها الشخضية على شان حياتي انا بس بصراحة من فترة زغيرة تعرفت على رجل مطلق أكبر منها بأكم سنة محترم ومنيح بس للأسف أنا حاسس انو في تبادل اعجاب بناتهن، وبقول للأسف لإنو إمي الظاهر بعد ما ضمنت اني رح اتجوز وصرت كبير ومسؤول عم بتفكر بالزواج.

بدها تبهدلني قدام دار عمي وخطيبتي؟
ومرة من المرات سمعته عم بعرض عليها الزواج وانا من يومها مش عم بنام لإني مش راضي وما بدي. تخيلوا انا العريس قال بدي اتجوز مع امي.. اشرحولي كيف يعني؟ ما تقولولي حقها ومش حقها ودفنت عيشتها كرمالك؟ انا هذا الكلام ما بمشي عندي شو هي بدها تبهدلني قدام دار عمي وخطيبتي؟ مش عارف شو اعمل بس اعطوني اي نضيحة ممكن اتريحين... موقع العرب يا ريت تنشرو مشكلتي بأسرع وقت.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il