وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

بسم الله الرحمن الرحيم بحب اشكر لاجمل موقع الارب وبحييكم على هاي الزاويه اللي بتداوي مجاريح كتيره . انا سلمى وعمري 20 سنه .. رح اطرح مشكلتي وبتمنى انو احصل على حل من مساعدتكم. المشكله: احببت شخص بعيد عني كتير والقدر فرقنا من بعد سنتين حب وواجهت صعوبه بهاد الشي بس اماني بربي ساعدني بانو ارضى باشي اسمو قسمه ونصيب وبعدين حاولت انو ما افكر فيه بس اكيد ما انساه لانو الحب الحقيقي بيضلل بالقلب وما بينتسا .. حاولت انو اعيش حياه جديده وحبيت انسان قريب مني كتير وهاد الانسان قدر ينسيني الماضي وقدر يخليني مبسوطه وقعدنا فتره مع بعض وكنت مبسوطه معاه بس بعد فتره طويله من العلاقه بلشت احبو وللأسف لما بلشت احبو ولما صرت محتاجه الو بعد عني .. احتجتلو وما لقيتو ..ما بعرف ليش بعد عني النا سنه ونص بعيدين عن بعض وانا لسا ما بعرف ليش تركتني اخر مره كنا نحكي فيها كتير كنا مبسوطين ..

صورة توضيحية

صبرت كتير وفكرت كتير ونفسي اعرف شو السبب حاولت اتصلوواسالو عن السبب بس اتراجعت وخجلت كتير ,قلت لو هو ما بدو اياني انا ما بدي اغصبو على شي ما تسموها ضعف شخصيه بس ما قدرت افاتحو بهاد الموضوع بس بيني وبين نفسي كتير زعلانه عليه من قلبي وهوي لازم يحس بهاد الاشي هوي وعدني وما وفى بوعدو واللي بوجع قلبي اكتر انو هوي اللي خلاني احبو وهوي علقني فيو ما بعرف ليش هيك عمل . ما بعرف ايش اعمل يوم بفكر بالحب الاول ويوم بفكر بحب التاني ساعدوني شو اعمل انا عم بموت كل يوم من الوحده قلبي بطل يستحمل لاني ما بحكي اللي موجعني دايما بحط بقلبي , يعني بتكون مشكلتي كبيره واللي بشوفني بيقول هاي مبسوطه وما عندها مشاكل بس انا من جوا كتير زعلانه وقلبي محروق على هاد الوضع.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها