زجل خَلّوا بقلوبكم رحمِة

ما عاد في عِنّا أعصاب --- نِتحَمَّل شو عَم بيصير
كُل يوم منِسمع مُصاب --- بطَلـقََـة نارِيِّـة بيـطـير 

إرحموا بعض يا ناس --- ليـه بـيـنكـم كَـراهـيِّـة
ليه ما فيكم الإحساس --- لا رأفِــه ولا حِـنِّــيـِّة

إيهِ الفايدِة مِن الِقواس--- وظُلمِ النـاسِ البَـرِيِّـة
الفرح غالي ما بيِنقاس --- للّي روحُـه هَـنِـيِّـة

في الصَّبِر وِالتَّواضُع --- والحِكمِـه الإلهـيِّـة
وِالقلبِ الحُلو الواسع --- بْتِبـعـد عَنِ البـَلِيِّـة

عِندَك الرب العالي --- شاهد على أعـمـالك
كُل مِنّا عِندُه غالي --- بيُرقُض مِنكَ الأذِيِّـة