كيف أعجب زوجي الذي لا أشعر معه بالانوثة.. ويعاملني كالرجال لا كإمرأة ؟

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :
مرحبا موقع العرب انا سيدة متزوجه من 6 سنوات وعمري 33 مشكلتي تبدأ من عدة اشهر ولكن بالواقع مشاكلي مع زوجي من ايامنا الاولي .زوجي جاف معي بخيل عاطفيا ولا اسمع  منه اي كلام حب اوحتي كلام عادي دايما ساكت تقريبا من بعد الزواج بسنه صار هيكا اكتشفت ان بيكذب علي بيقولي مسافر لطبيعة شغلو وبيكون مسافر مع صحابو وبيمددوا هناك.
بحس انو ما بنجذب الي او انا ما بعرف لي بالرغم اني بلبسلوا احلى لبس لما يروح من الشغل بس هو ما بيتطلع علي بنظرة اعجاب او حتى غيرة من الناس او من الشباب .

صورة توضيحية

انا فقدة اشياء كثيره لدرجه ان اذ ابتسم لي خلاص احس بفرحه واذ قل لي كلمه حلوه احس بسعاده هو حارمني من علاقتنا الطبيعية واي علاقة طبيعية بين زوجين .واحيانا تمر شهور وما يقولي حكي حلو ولما اسألوا يتهرب من الجوبه مزبوط انا مش ملكة جمال بس اكيد بحب اكون حلوة اقل ما فيها بعينيه . اوقات بحس اني انا الرجل انا الي بقوله  كلام حب وانا الي بتقرب منه وهو عادي .
من كثر جفا وبعدو عني قلت بدي اضير انام بريت غرفتي بلكي حس في واشتقلي وبالفعل صرت انام عند بناتي وهو ولا فكر يسالني ليش بالعكس اخذ راحته وما فرقت معو .
انا بتمنى منكو تساعدوني وتدلوني على طريقة اتقربوا فيها واحس اني مرتوا عنجد.. ويضل حوالي من شدة حبو الي وما يشوف قبالوا امرأة ثانية غيري انا بموت علي وبعدو عني خلاني اعمل مقارنة بيني وبين باقي النسوان ...
شو هي الطريقة الي بغدر فيها اكسبوا واخلي يموت علي وما يستغني عني وأضل بنفسوا وبقلبوا وبعقلوا...ساعدوني شو الطريقة..أنا كتير غضباه من هاذا الوضع وبدي حل ...ساعدوني ؟؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il