لم اعد أثق باي شاب بعد علاقتي العاطفية الفاشلة وأهلي يضغطون علي للزواج

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الى زوار موقع كل العرب الاعزاء انا واقعه بمشكله وبتمنى تساعدوني والاهم ما تكون تعقيباتكم صارمه لانو انا بامس الحاجه لمساعدتكم وبترجاكم لا تستهترو بمشاعري ممكن اي انسان يمر بهالظروف يوم من الايام وما في انسان ما عاش تجربه آليمه ومره ..


صورة توضيحية

مشكلتي انا صبيه في العشرينات من عمري من مركز البلاد كنت بعلاقه مع شاب بكبرني ب٣ ونص عشنا مع بعض اجمل ايام وكان اول حب بحياتي والكل كان يعرف انو نحنا لبعض ومقررين الاستمرار خطوبه ثم زواج بس فجاه الوضع تغير ونقلبت الموازين وتغير كل اشي وقررنا نترك بعض لانو في ظروف صعبه عندو وانا صبرت وتحملت كرمالو وكثير كنت اطلب منه يجي يتقدم لي بس الوضع المادي صعب انا خايفه من نظره وكلام الناس لانو الفتاه اذا تخطت جيل معين ما بتخلص من كلام الناس انا صبرت وتحملت وضحيت ووفيت بحق نفسي وبحق غيري بس بلاخر ما اخذت جزائي وكنت فكر بعقله انو لو بحبني بجد وبعمل المستحيل بقدر يتقدملي لانو الخطوبه كلها محبس وقرائه فاتحه بس خساره عالزمن والايام والسنين كنت عايشه بحلم كبير وما تحقق كنت اتمنى وعلى آمل وثقه كبيره انو اصل لعده اهداف ناجحه بس للاسف الشديد كل شيئ ذهب صدى يا ترى شو الاستفاده!! بحكم كل منا وظروفو تركنا بعض ..

ضغط أسري
اهلي عم يضغطو علي اقبل بلزواج من اي حد بتقدم لي وانا عم برفض كرمال انهي العلاقه نهائيا ما بدي اظلم مع الا راح يشاركني حياتي وما بدي انظلم بحياتي لانو انا ما بتحمل صدمات وقلبي بلحظه بضعف والمشكله الاكبر انو مو قادره استوعب بعد انو في حب وصادق وبذات هلايام مع انو كل يل عم يتقدمولي كثير ملاح وبنضرب فيهن المثل باخلاقهن العاليه بفكر ادوس عقلبي واقبل باي انسان محترم وابن حلال بتقدملي ومرات بحن للماضي وبتآلم الكل بيحكيلي كثير اوقات الحب بيجي بعد الزواج انا محتاره كثير ومش عارفه اخذ القرار السليم لانو اذا وافقت ممكن بيوم اندم وممكن لا والاصعب انو ما في حد بيحس فيني وما بحب شارك مشاكل مع حد لانو كل واحد همو عجنبو صحباتي عم بيحكولي انو وافق وبشجعوني بس مرات بحس انهن ما بهمهن وانو بس بحبو اكون مخطوبه بلاسم .. بتمنى من كل انسان صادق بمشاعرو اتجاه من يحب لا يظلم مين حب لانو احنا البنات لازم نقرر مصيرنا ومستقبلنا عشان ما نقع بلفأس ونكون عسيره كل السنه الناس وهلايام ما في آمان ولا تضحيه فبنصح الجميع ما يعيش بوهم لانو النهايه بتكون صعبه . بتمنى كل انسان بدو يفوت بعلاقه يكون قدها وقدوه الها وشكرااااااا ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il