فتاة: أشك بخطيبي دائما ولست مقتنعة بأنه نسي علاقاته السابقة

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب شكرا الكو لهالزاويه الي بتمكنو الواحد فيها يعرض مشكلتو ويوخد نصائح انا عندي مشكله مش بمعنى المشكله في عندي سؤال محيرني بتمنى من كل الشباب تجاوبني وتفيدني واكيد الصبايا كمان انا صبيه عمري 20 سنه، مخطوبه صارلي سنه الحمدلله خطيبي فش منو انسان خلوق ومؤدب وفهمان واهم اشي داير بالو علي وبحبني الحمدلله مشكلتي انو خطيبي لما كان اصغر قبل ما نخطب ب 3 سنين كان شاب جاهل وكل الشباب بتجهل وانا لما تقدملي كنت سامعه هيك حكي بس انا ما حبيت احكي معا على اساس مبدأ "الماضي كان قبلي ما الي في".

صورة توضيحية

صار مارق سنه على خطبتنا ما شفت منو اشي عاطل الحمدلله وانا بعرف انو هاي فترة جهل بمرق فيها كل شاب المشكله انو انا اوقات بجرب اسال عن ماضي عن البنات الي كانو بحياتو و هيك اشي بصير يحلف انو من يوم ما عرفني نسى كل اشي ورا وبقلي مش متذكر اشي بدك اكذب عليكي عشان ترضي؟؟؟بس انا مش غادري اصدق(الله يهديني) سؤالي للشباب:في منو هاد الحكي ممكن لما تحبو بنت تنسو كل اشي كان قبلها؟؟ يمكن هو بحكي صادق,,يمكن ما بدو يحكي لانو رح يجرحني(انا كثير حساسه)بالرغم انو انا متاكده وعارفي انو الماضي ما بيعنيلو اي اشي.. متأسفه اذا طولت عليكو وشكرا كثير للردود.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il