شابة: فتى أحلامي سيتزوج بعد شهر وسأصاب بالجنون أرجوكم ساعدوني!

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا شباب وصبايا انا بدي احكيلكم مشكلتي بس ما تفهموني غلط... من كم سنة وقعت بغرام شب بجنن بكل معنى الكلمة خصوصي انو انا وهو كنا صحاب وعادي بس للأسف الحب من طرف واحد وهو ما ببادلني الا كل محبة اخوية ومش اكتر.

صورة توضيحية

المهم هاد الشب خطب من فترة ورح يتجوز بعد اكم أسبوع وانا مش عم بتحمل الوضع حاسة بدو يصيبني جنون او صراع شو لازم اعمل؟ مرات بخطر ببالي اتنازل عن كبريائي واروح أصارحة بحبي الو.. بس... بس شو رح استفيد؟ الشب رح يتجوز كما كم يوم وانا رح تنهان كرامتي... بيجي عبالي مرات أفرقو عن خطيبتو بس ضميري ما بطاوعني بتمنى ربنا يوخدني قبل ما اشوفو عم بتجوز بس من ناحية تاني بحب اشوفو مبسوط...

أرجوكم ساعدوني
موقع العرب وحياتكو حطو المشكلة اليوم لانو بحاجة اسمع اي نصيحة تعبي راسي حتى اتحرر من هاي الافكار. ويا ريت اللي عندو طريقة او نصيحة كيف اقدر انساه ما يبخل علي ويقللي وحياتكو...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il