شابة (22عاماً): مصيبتي الكبرى أمي الدكتاتورية وأحلم بشاب لا يتسلط علي مثلها

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
صبية عمري 22 سنة الحمد لله حلوة بس ملانة شوي وهاي احد مصايبي ... السنة ان شاء الله بخلص تعليم وحاليا راح ابلش شغل بموكيد واشي حلو الحمد لله. بس المصيبة الكبيرة انو امي جننتني كل ما اجى حدا دق باب بيتنا بخاف وبقول لأ مش لانوا هني عاطلين لا سمح الله بس لاني خايفة من الي راح يصير. بس انا والله حابة اتزوج وحابة يكون عندي ولد صغير حلم حياتي اني اكون ام.


صورة توضيحية

امي بتضل تسمع صرتي بهدا العمر وبعدك ويا خوفي تضلي بخلقتي العمر كلو والمصيبة اذا اكلت ونصحت شوي يا ولي بشوف الجحيم بحياتي مستحيل مرة يجي يوم وتفهمني او تحسسني انو في بيني وبينها علاقة حب مودة ام وبنتها لا والمشكلة الكبيرة بتضل تقول انوا انا برية وبضل ع الحاسوب وبحكيلهاش اشي والمصيبة الثانية اذا قعدت معاها وزل لساني بحرف بتعزر علي بتصير وين ما بتقعد بتخرف بالقصة الي قلتلها اياها وبتعزر علي حكيتلها عنوا لأ وهاي غير انوا شو ما احكي دايما غلط وممنوع اقرر اشي بحياتي لانوا هذا بيتها واحنا ملكها وهي بتقرر كلشي حكم دكتاتوري برايها وغيروا مللان اذا بدي احكي يمكن بفتح موقع لحالوا بس السؤال الي بدي اسالكوا اياه كيف بدي احلها شو بدي اعمل تتعتقني تتخليني اقرر افكر اتزوج واحد ما يكون متسلط علي يا جماعة والله نفسي اقرر مرة بهالحياة اشي.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il