ادمنت على التدخين خلال فترة تعليمي وتعاطيت السموم ولا أقوى الابتعاد
- ابرز ما جاء في الرسالة :
- ابرز ما جاء في الرسالة :
* عمري 24 عاما وساكني بالجامعة وتولعت كتير بالدخان انا وصاحباتي
* تطور الوضع وتعرفنا على دخان من انواع كتيرة مثل السموم والحشيش واغراني كتير لحد ما تعلقت في كتير لدرجة الادمان
* الوضع صار صعب اكتر لاني خلصت تعليم ورجعت عالبيت واهلي ما بيعرفوا اني اصلا اني بدخن او بشرب وانا من عائلة محافظة
* نفسيتي تعباني لاني مش قادري ابعد عن الدخان ولا استغني عنو حاولت كتير بس ما زبط وخايفة كتير من اهلي وخايفة بعد كل الي عملتو ما الاقي حالي غير بالشوارع
وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية
الرسالة كالتالي :
مرحبا لموقع العرب ترددت كتير قبل ما اكتب مشكلتي بس حيرتي وخوفي جبروني ...انا صبية عمري 24 عاما من احدى القرى , خلصت تعليمي من فترة بسيطة ولان قريتي بعيدة عن مكان تعليمي( الجامعة) قررت اني اخذ سكن في الجامعة , وبحكم البعد الكبير بين بلدي والجامعة ما كنت ارجع على البيت كتير وتعرفت على صبايا كانوا يتعلموا معي وحدة منهن كانت عايشي معي بالسكن كنا نتسلى ونسهر وبلشنا ندخن دخان عادي في كل يوم وتطور الايشي وصرت ما اغدر اقعد بالسكن او ارجع من التعليم الا او ادخن و اولع الارجيلة .
صورة توضيحية
بصراحة كنا كتير مبسوطين انا وصاحباتي وتطور الوضع وتعرفنا على دخان من انواع كتيرة مثل السموم والحشيش واغراني كتير لحد ما تعلقت في كتير لدرجة الادمان , حتى اني أدمنت على الشرب والسهر والدخان وما عدت استغني عنو .
وطبعا بعد فترة خلصت تعليم وارجعت على بيت اهلي وحاولت ادور على شغا ما زبطت معي , والوضع صار صعب اكتر لاني ما باخد راحتي بالبيت بالتدخين طبعا لانو اهلي ما بيعرفوا اني اصلا بدخن دخان عادي, وانا من عائلة محافظة فصرت زي الحرامية اشتري بالسرقة واطلع بريت البيت كل يوم وادخن ...بس انا كتير نفسيتي تعباني لاني مش قادري ابعد عن الدخان ولا استغني عنو حاولت كتير بس ما زبط .وخايفة كتير من اهلي لاني مخبي عليهن يعني اول على اخر راح يعرفوا بالموضوع وراح تكون اصعب لحظة والي مخوفني اكتر انو يتطور وضعي اكتر من الجحيم الى انا عايشة في واروح عجحيم تاني وما الاقي حالي غير بالشوارع ...ساعدوني شو اعمل كيق احل مشكلتي انا ميته من الخوف من كل ايشي من اهلي ومن الناس ومن الدني وحتى من حالي..ساعدوني وبتمنى انكم تتفهموا وضعي وما تهاجموني ..انا بدي حل مش اكتر ...
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il
