شاب: سافرت لأدرس ووعدتني بالانتظار حتى اكتشفت أنها ارتبطت بآخر

أبرز ما جاء في الرسالة:

بنفس الوقت اللي كانت تحكي معي وتبينلي انها بتحبني كانت تحكي مع غيري

بعد امتحاناتي الفصلية قررت أرجع على البلاد عشان اشوف أهلي وكنت حابب اعمل مفاجئة لحبيبتي وأطلب ايدها ونخطب عشان اضلها الي وبس الي

سافرت على ايطاليا وبلشت أتعلم سنة اولى لغة وكنا دايما نتواصل عن طريق المسينجر وكنت أتباخل على حالي بالمصاريف عشان أوفر كرت تيلفون دولي عشان أحكي معها

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا، انا شاب من الشمال عمري 23 سنة حبيت صبية من كل قلبي وقدمتلها كل ما بملك من حنان واحترام، عشنا قصة عشق لمدة سنتين وكانوا كل الناس يضربوا المتل بحبنا .. بعد مخلصت صف 12 عملت امتحان البسيخومتري وما جبت العلامة الكافية اني أتعلم موضوع الطب في البلاد فقررت اني أسافر لإيطاليا عشان أتعلم هناك. طبعا بوقتها استشرت حبيبتي عن الموضوع وما كان عندها مشكلة!! بالعكس دعمت كتير الفكرة وحكتلي " ولا يهمك حبيبي المهم ترجعلي دكتور ورافع راسي".

صورة توضيحية

وهادا اللي صار، سافرت على ايطاليا وبلشت أتعلم سنة ثالثة لغة وكنا دايما نتواصل عن طريق المسينجر وكنت أتباخل على حالي بالمصاريف عشان أوفر كرت تيلفون دولي عشان أحكي معها وبكل مكالمة كانت تبينلي قديش بتحبني وقديش اشتقتلي وانها بتستناني ودايما بتفكر فيي. بعد امتحاناتي الفصلية قررت أرجع على البلاد عشان اشوف أهلي وكنت حابب اعمل مفاجئة لحبيبتي وأطلب ايدها ونخطب عشان اضلها الي وبس الي. لما وصلت بلدتي تفاجئت  انو حبيبتي خطبت !!!!!!!!!! انصعقت وانصدمت كتير وحسيت شو معنى الخيانة، لانو بنفس الوقت اللي كانت تحكي معي وتبينلي انها بتحبني كانت تحكي مع غيري. كيف بتنصحوني اطلع من هاي النفسية اللي انا فيها اسا ؟ وشو اعمل بالصبية ؟ ساعدوني .. بستنى تعقيباتكوا يا اخواني. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net