شاب: تركتني لأن الحب أمر سخيف بنظرها وأفكر بالإنتحار ولا اعيش بدونها

أبرز ما جاء في الرسالة:

بيوم من الأيام تعرفت على بنت وحبيتها من كل قلبي وكنت مخلص إلها ، ما كانت تغيب عن بالي ثانية وحدة وكنت أعمل المستحيل عشان تكون مبسوطة، بس هي كانت دايما تجرحني

حاولت كتير اخليها ما تتركني وكنت اترجاها وأبكي كتير على التلفون وانا احكي معها بدون إرادة بس هي كانت قاسية وبدون رحمة وتركتني نهائيا وحكتلي انها ما بتحبني  واليوم بعد 6 أشهر من لما تركتني بعدني بحبها وكل يوم بضلني أغلب وقتي بحالة نفسية تعبانة وكتير بصير ابكي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا أنا شاب من الشمال كنت أعيش حياة عادية، ما بحب أأذي حدا وسمعتي بين الناس كتير منيحة، بس شخصيتي انطوائية شوي وما عندي كتير أصدقاء، وبقضي 90% من وقتي كل يوم لحالي وما بحب أختلط بالناس، بيوم من الأيام تعرفت على بنت وحبيتها من كل قلبي وكنت مخلص إلها ، ما كانت تغيب عن بالي ثانية وحدة وكنت أعمل المستحيل عشان تكون مبسوطة، بس هي كانت دايما تجرحني بقلة اهتمامها فيّ وكان يزعجها اني أهتم فيها وكانت كثير تتركني وبعدين ترجعلي وضلينا هيك أشهر طويلة، وبعدين مرة اختلفنا على موضوع تافه كتير، فتركتني نهائيا.
 

صورة توضيحية

حاولت كتير اخليها ما تتركني وكنت اترجاها وأبكي كتير على التلفون وانا احكي معها بدون إرادة بس هي كانت قاسية وبدون رحمة وتركتني نهائيا وحكتلي انها ما بتحبني وانو في كثير أشياء أهم من الحب لازم تهتم فيها مثل دراستها وانو ما بدها علاقة محرمة وانو الحب هبل.. واليوم بعد 6 أشهر من لما تركتني بعدني بحبها وما بتمر ثانية بدون أفكر فيها وكآبتي كل يوم بتزيد وكل يوم بضلني أغلب وقتي بحالة نفسية تعبانة وكتير بصير ابكي، ومن لما تركتني وانا بدعي ربي كل صلاة انو يخفف عني وينسيني اياها، بس ربنا ما استجاب دعائي ووجعي بزيد، أنا مش كافر بس آخر فترة صرت أفكر بالانتحار لأنو مش عارف شو بدي أعمل عشان أرتاح؟ بتمنى تساعدوني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net