شاب: اهل خطيبتي يرفضون أن أخرج معها لوحدنا وأريد أن أتعرف عليها أكثر

أبرز ما جاء في الرسالة: حاولت اقنع أهل خطيبتي انو انا شاب محترم ومش معقول أاذي خطيبتي الي رح تصير زوجتي بالمستقبل ولا ممكن اعرضها لاشي مش منيح لانو انا كمان عندي خوات ومرقوا بفترة الخطبة 

وصلت الى موقع العرب رسالة من شاب يطلب إرشاد ونصيحة زوار موقع العرب الكرام. موقع "العرب" يؤكد أنه وحفاظا على النزاهة والمصداقية الصحفية ينشر الرسالة تماما كما وصلت إلى مكاتبنا، من دون زيادة أو نقصان، وبدون تعديلات لغوية أو تصحيح أخطاء إملائية.

 مرحبا زوار العرب.نت  اريد ان اطرح عليكم مشكلتي .. انا شاب عمري 27 سنة متعلم والحمدالله بشتغل ووضعي منيح.  تعرفت على صبية خلال شغلي وارتبطت فيها من جديد وهي محترمة من عيلة منيحة. 
خطبت البنت بعد فترة قصيرة من ما عرفتها ومعني فيها، بس مشكلتي بالخطبة انو اهلها ما بقبلوا انو اطلع معها لحالنا ودايما لازم حدا من اخوتها يكون معنا بالمشوار، وحتى ازا بزورها في البيت ما بقعد معها لحالنا ولا دقيقة لانهن بخافوا على بنتهن.
حاولت اقنعهن انو انا شاب محترم ومش معقول أاذي خطيبتي الي رح تصير زوجتي بالمستقبل ولا ممكن اعرضها لاشي مش منيح لانو انا كمان عندي خوات ومرقوا بفترة الخطبة .

انا ما بعرف البنت منيح، تعرفت عليها من فترة قصيرة واعجبت فيها وزي اي شاب تقدمت لها وخطبتها بس بنفعش اتزوج وحدة بدون ما اتعرف عليها أكثر، لانو فترة الخطبة هي فترة تعارف واهلها مش سامحينلي اتعرف عليها وانا بدي احكي معها بكتير مواضيع بنفعش احكي فيها قدام اهلها واخوتها، ومن حقي كشاب انو اروح واجي مع خطيبتي واعزمها بس الي فترة خاطب البنت وبلتقي فيها زي الغريب.. مش عارف شو الحل؟؟؟ ساعدوني .. انا بسمحش لحالي اطلع معها بدون علم اهلها او اقنعها تطلع معي بالسر لانو هاي مش اخلاقي. بس انا معني التقي فيها لحالنا ولو فترة قصيرة ومحتاج مساعدتكم ازا سمحتوا
 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net