شابة: أخاف من أطباع خطيبي وأفكر بتركه بعد أن شتمني وأهانني
أبرز ما جاء في الرسالة:
أبرز ما جاء في الرسالة:
هو اجا على كرامتي وأهاني كتير مش عارفة اكمل ولا لا انا قولت افسخ الخطوبة بس ابوه حكى معي وقالي هاي اخر مرة وحقك عليا وهو بدو يحكي معي ويصالحني بس انا خايفة لبعدين
بدي احسسه بغلطه وأتركه عشان مش ميفكرش يعمل هيك كمان مرة مع انه طيب وحنين بس انا اسا شايفة انه موضوع كرامة وانه اهاني وهو بيقولي انتي اللي بتخليني اتعضبن وبتوصليني لهون
وصلت الى موقع العرب رسالة من شابة تطلب إرشاد ونصيحة زوار موقع العرب الكرام. موقع "العرب" يؤكد أنه وحفاظا على النزاهة والمصداقية الصحفية ينشر الرسالة تماما كما وصلت إلى مكاتبنا، من دون زيادة أو نقصان، وبدون تعديلات لغوية أو تصحيح أخطاء إملائية.
انا عندي مشكلة كبيرة ومش عارفة شو ممكن أعمل، انا بنت مخطوبة من حوالي سنة وانا وخطيبي بنحب بعض بس المشكلة هو عصبي كتيير واخر الايام صار يتعصبن من أقل اشي ممكن يصير وصار صوته يعلى ويشتم ولما شكيت لأهله كانوا معي انا بس مكملش اسبوع وصارت مشكلة وزعق علي كمان مرة وشتمني وكان قدام امه واخته وكنت أول مرة اشوفه بهاد المنظر وانا اسا مش عارفة شو أعمل، هو اجا على كرامتي وأهاني كتير مش عارفة اكمل ولا لا. انا قولت افسخ الخطوبة بس ابوه حكى معي وقالي هاي اخر مرة وحقك عليا وهو بدو يحكي معي ويصالحني بس انا خايفة لبعدين يصير نفس الاشي .. ومش عارفة ارجع ولا لا .. بدي احسسه بغلطه وأتركه عشان مش ميفكرش يعمل هيك كمان مرة .. مع انه طيب وحنين بس انا اسا شايفة انه موضوع كرامة وانه اهاني وهو بيقولي انتي اللي بتخليني اتعضبن وبتوصليني لهون .. ارجوكم الرد بسرعة علشان اعرف شو اعمل.. وفى مشكلة تانية ان اخته قالتلي عليه كلام مش منيح انه بيشرب وانه ممكن يضرب وان هاد طبعه وكمان فش عنده مسؤولية بس انا بحبه.
صورة توضيحية
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net
