رسالة من أ الى م عبر موقع العرب

وصلت الى موقع العرب، هذه الرسالة من فتاة تطلب نشر ما كتبت.موقع العرب يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:

"لموقع العرب ارجو نشر مشكلتي في زاوية مجتمع ولا تهملوها. انا فتاة من الشمال لدي مشكلة لم استطع حلها ابدا لدي صديقة طائشة تفعل ما يحلو لها دون ان تهتم لكلام الناس او دون ان تعرف ماذا سوف يحصل فيما بعد دائما وابدا ترافق الشبان وتكلمهم بشكل دائم اقول لها علاقتك مع الشباب مبالغ فيه ولا يليق بفتاة محترمة ترد علي وتقول (مش انا حرة) وايضا لها صديق تحبو كثيرا وانا اقنعها بان تتركه لان صديقها لا يحبها انما يتسلى ويمضي الوقت للتفاهات وهي غير مبالية بما اقول لها هي غارقة بالحب وحبيبها يحب مليون بنت(هاي ازا مش اكتر) انا واثقة ولكن دون جدوى حاولت عدة مرات بان ارشدها الى الطريق الصحيح ولكن نشب بيننا شجار حيث قالت لي بانها لم تعد ترغب بان اكون صديقتها .

صورة توضيحية

والان اوجه رسالتي الى صديقتي العزيزة صديقة الطفولة والشباب وهي من زوار هذا الموقع وانا متاكدة بانها سوف تقراها.
صديقتي العزيزة "م" بعدما كنا صديقاتي قرابة 16 سنة عشنا احلى سنوات اسا صرتي تكرهيني وما بدك تحاكيني لاني صديقتك وبخاف عليكي وبعرف مصلحتك!! لازم تعرفي انو صديقك الي ببكيك مش الي ببكي عليك يعني انا لاني بعرف مصلحتك وما بخليكي تعملي شو بدك ولاني صديقتك انا مش موجهني بقلك الي بتعملي صح وهو بكون غلط انت لازم تعرفي  وتراجعي حالك انت غلطتي بكتير شغلات. ليش ما بتفهميني؟ ليش صرلك اكتر من نص سنة مش عم بتحاكيني حاولت كتير لاجل احكي معك مع انو انت الغلطانة مش انا. بعد كل هالسنين الي قضيناها سوا كنت تقوليلي انك فخورة لانك صديقتي وبدي مصلحتك ولاني صديقتك عنجد مش زي باقي الاصدقاء. انا بدي احكي معك ولو لدقائق اشرحلك ليش هيك صرت اتعامل معك ليش معاملتي الك تغيرت وليش جرحتك بالكلام.
انا ما بدي منك اي شي غير انك تسامحيني وتحكي معي زي اول وترجعي "م" الي بعرفها من زمان. انت منك شاعري معي احيانا بحس بدي اتمزق من جوا لاني ما غلطت معك هداك الغلط لتنك صرتي تكرهيني ولما تشوفيني باي محل ولا كانك بتعرفيني وهاي كلمتك باي للابد وانت ما عدتي صديقتي هي الي جرحتني. فكري منيح واعرفي مين منا الي غلطانة واتاكدي انو انا بحبك زي اختي واكتر.... صديقتك المحبة "ا"."