رجل: خنت زوجتي وأنا في حالة الثمالة ولا أعرف كيف أعترف لها خوفًا من خسارتها

أبرز ما جاء في الرسالة: حتى اذا مرتي بدها تقرب مني ببعد ومتغير معها لانو مشمئز من حالي

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
تجوزت قبل كم سنة، وعلاقتي بمرتي ممتازة، وصدقوني ولا مرة طلعت عيني لبرا او اطلعت على غيرها، لسبب بسيط اني بخاف الله وبعبده، واني بحب زوجتي وما بدي اخسرها وما بدي ادمر عيلتنا. بس قبل فترة قصيرة، سافرت مع أصدقاء بالشغل برا البلد، وهناك كان عنا جلسات عمل، وكلشي كانمنيح، لحد ما مرة رحنا كلنا بعد انتهاء الاجتماعات، ومعروف عني انو عقلي بس بالشغل، رحنا على بار، وهناك شربنا كتير، وانا بشكل عام بشرب باعتدال وبضل صاحي، بس اللي صار انو يا حاطين اشي بالمشروب، يا انو مشروبهن غريب نوعه، خلاني أصطل وأنصطل، بس القصة، انو كان في صبية هناك وبتخيل الها ضلع بالموضوع، يمكن حبت تكون معي هديك الليلة، وبعد ما سكرت وبتخيل هي اللي حطتلي اشي بالمشروب، ما صحيت الا انا وياها سوا، انا طبعا مصدوم من حالي وندمان ومش مستوعب شو اللي صار، ومن وقتها ضميري بعذبني، وبدي احكي لمرتي بس خايف ما تفهمني، وخايف حدا من اللي كانوا معي يحكيلها وتسمع منه وتبطل تصدقني. صدقوني اول مرة واخر مرة، واصلا كانت لا ارادية ودون وعي. مش عارف شو اساوي! سكرت الدنيا بوجهي، حتى اذا مرتي بدها تقرب مني ببعد، ومتغير معها لانو مشمئز من حالي.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net