أم: أرغب بطلب يد شاب لإبنتي لأني أثق به ولكنني متخوفة

أبرز ما جاء في الرسالة: خايفة اذا بنتي عرفت انو انا هيك عملت تزعل مني وتقاطعني

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
عندي بنت وحدانية الله ما اطعمنيش غيرها، وأبوها صرله كم سنة ب حالة كوما، ومش رح يقوم منها، وأنا عم بكبر بالعمر ومش كاينة اطمن على مستقبلها لانها بعدها ما تجوزت، لانو كل مرة بطلع علة بالعريس، بعرف فش حدا كامل، بس انو اللي بتقدمولها مش مناسبين فعلا، الاشي انو انا شايفة شب بعرفه مناسب كتير لبنتي، بس مش عارفة كيف اوفق بيناتهن. مرات بفكر انو بدون لف ودوران احكي معه او مع قرايبه، بس بديش ادلل ع بضاعتي، احسن ما ترخص، بس من ناحية تانية مش رح اضمن مستقبلها غير معاه، ومش عارفة هل غلط اذا بسمعه حكي او بطلب ايده لبنتي؟ الاشي كمان خايفة اذا بنتي عرفت انو انا هيك عملت تزعل مني وتقاطعني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net