احبه لكني مقصرة بحقه

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

راح احكي مشكلتي ويا ريت تساعدوني وتعطوني نصائح بتهم مصلحتي ومستقبلي .. بس راح اعرف عن حالي شو انا ( مرحه جريئه عنيده حساسه بنفس الوقت. قلبي طيب بحب الخير للكل )..... انا صبيه عمري19 سنه الحمدالله من عائله محافظه وسمعتي كثيره منيحه بين الناس وهاي نعمه من عند رب العالمين انا بعلاقه مع شاب اكبر مني بسنه ونص وطبعا ان شاء الله ناويين عالخطوبه باقرب وقت واهلو بعرفو بعلاقتنا والحمدالله علاقه شريفه والاستمراريه الزواج وبناء مستقبل ناجح هوي بحبني كثير وبهمو كثير زعلي وبضحي عشاني وبعمل المستحيل لارضائي بس المشكله مني انا كثير بجرحو بكلامي وعاشي بستاهلش وبصير بيناتنا مشاكل بس دايما منكبرها بس منحاول نحلها .. واقسم بالله اقسم بالله مش بايدي غصبن عني ودايما الشك والغيره مرافقتني ليش ما بعرف هاي بدي الها حل مع انو بثق فييو بس انا بخاف من المستقبل لقدام لانو انا انسانه بحب الستره وما بدي يضيع مستقبلي بسبب علاقه كانت ناجحه وفشلت انا بحبو وبعمل المستحيل كمان عشانو وبحب اشوفو مبسوط ومرتاح هو من كثر ما بدايقو وبجرحو بكلامي بطل يصدق انو بحبو!! بس هو مش عارف قديش انا بحبو وصار كلشي بحياتي وعوضني عن كثير شاغلات انا فقدتها ومعو حسيت بلامان والراحه وهو اول وحب واخر حب بحياتي راح يكون بدي قلو يسامحني ويتحملني بس شوي وخاصتا هالفتره لانو انا بوضع صعب واظن هو بعرف شو هو وضعي لانو فش اشي بخبيه عليه هوي حبيبي وصديقي واخي وكل مره كنت اجرحو وادايقو اناعم بتندم لانو ما بحب اكون السبب بتعاسه اي انسان واجرحو بس خلص غصبن عني مرات من القهر بصير عيط ولوم حالي... وبقول مش راح ارجع عتكرار نفس الغلط وبرد ارجع كثير من المرات هو لو ما بحبني ما بتحمل هيك كلام وبتركني بس والله والله مش بايدي هو بحبني وراح يضل يحبني وبدو اكون شريكه حياتو هاي هيي امنيتو واهلو كمان موافقين بس حاسستو قل اهتمامو مع انو هو بقلي فش منو هالكلام وانا بحبك وبدي اياكي واذا بتكنيش الي ما بتجوز وبكمل حياتي لانو انا عايش بس عشانك ومن اجلك والله بحبو وكثير كمان وكثير منمزح ما بتتصورو قديش منحب بعض بس هالمشكله مش قادرين نتغلب عليها ولا يوم ما حكينا مع بعض ودايما بهتم فيي وبسال عني بس انا مقصره بحئو بس هالعاده الا فيي مش قادره اغيرها يا ريت تقدرو تساعدوني انا من زوار موقع كل العرب ودايما بفوت عهالزاويه بس ما بعقب بقرا تعقيباتكو وبتشكركو يا ريت ما تجرحوني بكلامكو انا انسانه حساسه وبتمنى للجميع يعيشو بسلام وتحياتي الحاره لاجمل واروع موقوع كل العرب يعطيكو الف الف عافيه يا رب..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.