موقع العرب وصحيفة كل العرب-الناصره
وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية
انا حائره جدا فأرجوكم ساعدوني !! مرحبا كيفكم انا حبيت اكتب مشكلتي بهاي الزاويه لانو جد تعبت من حياتي وبالزات من حبي !! انا بنت حبيت شب قبل 8 اشهر وهو الي حبني بالاول المهم صارت مشاعرنا متبادله وضلينا مع بعض 8 اشهر اول اربع اشهر كان ما في منو وكتيير منيح معي وبيحترمني وما كان يهملني شيله اما اسا بطل يهتملي متل الاول صحيح بيحكي معي بس بيفطن بوقت متأخر وحتي ما بيتصل فيه شيله صرلو شي شهر ونص ما تصل ونحنا ما بنشوف بعض انا مش عارفه شو اعمل اهمالو الي خلاني انحرف ( في شب بيحبني وبيموت علي من شي سنه بيحبني وبيموت فيه بس انا كنت ارفضو لاني بحب حبيبي اما اهمالو الي والمشاكل يلي بيعملها كل يوم من شغلات فاضيه خلتني انحرف ومشاعري تميل للي بيحبني ومع العلم هاد الشب يلي بيحبني يوم يوم بشوفو وبيشوفني والحب الكبير يلي بقلبو الي مبين من عيونو ومستعد يعمل كلشي مشاني اما حبيبي كتيييييير بيهملني وانا بطلت اتحمل هاد الوضع صرلنا شهرين او تلت اشهر على هالوضع وهو ما بيهتم بحكي معو عالفاضي بيحط الحق علي وبيزعل كماان مش عارفه شو اعمل لاتريح من هيك وضع انا نفسيتي تدمرت من تحت راس عنادو ويباست راسو ) هاي هي قصتي وبتمنى منكم تلاقولي حل لاني جد جد تعبت وبطلت اتحمل هيك وضع ( حبيبي قبل فتره خانني وانا رجعتلو من بعد ما ندم وبكي بس اكتشفت اني غلطانه اني رجعتلو وبعرف انو ما بيستاهلني بس انا بدي اتريح من هالوضع ساعدوني بليز ) يلا بيبااي
موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il.كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة.
