أبرز ما جاء في الرسالة:

انا صبية من الجليل بشتغل ومتعلمة ووظيفته منيحة ومن عيلة وناس

اتعرفت على شب عن طريق الصدفة بمحل معين ودار بيناتنا حديث ووقتها حسيت ادوش هو انسان عميق ورائع

حبيته وما بتخيل حياتي بدونة، ونفس الاشي بحس عنده ميل ورغبة بمصارحتي بمشاعره بس حتى اليوم ما عمل هالاشي

الموضوع مش خجل وانا متأكدة انو هو بحبني بس على الاغلب عندو ضعف شخصية وخايف اني أرفضه لاني من ناحية اجتماعية الي مكانتي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
زوار موقع العرب مرحبا كيفكو؟ بصراحة بتمنى من الموقع ينشر رسالتي لاني بأمس الحاجة لنصيحة مختلفة الآراء من شباب وصبايا وكبار وزغار حتى اعرف كيف أتضرف وأتحدى المشكلة اللي واقعة فيها.
انا صبية من الجليل بشتغل ومتعلمة ووظيفته منيحة ومن عيلة وناس، ولا اشي ناقصني. قبل فترة طويلة شوي اتعرفت على شب عن طريق الصدفة بمحل معين ودار بيناتنا حديث ووقتها حسيت ادوش هو انسان عميق ورائع حتى لو هو ما بشعر هيك وما بفكر هيك عن حالو.

صورة توضيحية

انا ما بعرف كيف بس اعجبت فيه وبصراحة اكتر حبيته وما بتخيل حياتي بدونة، ونفس الاشي بحس عنده ميل ورغبة بمصارحتي بمشاعره بس حتى اليوم ما عمل هالاشي.
انا متأكدة انو الموضوع مش خجل وانا متأكدة انو هو بحبني بس على الاغلب عندو ضعف شخصية وخايف اني أرفضه لاني من ناحية اجتماعية الي مكانتي. كيف بدي اقنعه انو ضعف شخصيته ما بعنيلي ايا اشي واني بدي اياه؟ شو اعمل لازم اكون انسانة فاشلة واقل مستوى منو حتى يتجرأ على مصارحتي؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il