زجل مِن جُوَّ لَبَرَّا

الـكـلامِ الـلّي مِنـقــولُـه ---- بيِطلع مِن جُوّا  لبَرّا  
بيِكشِف عَاللّي في قلبَك ---- مْنِ السَّيِّء ما بتِتْبَرّا 
___________________________  
وِالكلمِـه  لَمّـا  بتِـطـلع ---- ما بْتـاخُـذ إذنـا مِنَّـك 
يِمـكِن مْليحَـه بتِــنـفَـع ---- ويِمكِن بتـحكي عَنَّـك 
مِن نَبـعِ القـلـبِ بتُنـبُع ---- ما بتِقدر تِنـفي ظَنـَّك 
مْنِ الحِلِوْ راح تِتمَتَّـع ---- مْنِ البذيْ طَعمُه مُرّا 
___________________________  
بتِطلع الكِلمِه وبِتقـول ---- مانَّـك حـارس عَــلَيِّ 
عَكلامي مِش مَسؤول---- قلبي بيِحكي اللّي لِيِّ
كانُّه تافِه أوْ مَعـقـول ---- بــيـفَــرِّغ يالـلّي فِـيِّ 
بَتْمَنّى حَكْيي مَـقبـول ---- ما يْسَبِّب إلكو شَـرّا