هموم قروية - عمر رزوق

إحترامي ... إحتراميقرّب ... قرّب التصويتبِدْيَت حراره بالجوعن قريب يبان الضوكل الناس تحب اللهومن الصغير للكبيربكرا الأمور بتحلو قربّ .. قربّ التصويت

إحترامي ... إحترامي
في عنّا وعود كتير
والثمن حسب التِسْعير
أهل البلد كبير صغير
تنزل تتسوق بالسوق
بلكي لحْقَتْ عالبكير
قربّ ...قربّ التصويت

إحترامي ... إحترامي
عنا قوايم كتير
ليش تاتدعم الغير
إلي وبس كل الخير
لا تفسدوا للضريبه
بكرا" بقلب" زي الطير
قربّ .. قربّ التصويت

إحترامي ... إحترامي
والمرشحين كتار
دايرين ليل نهار
يحكوا ويسمعوا أخبار
خلّي الواحد يتعلّم
كيف بيسرقوا الدولار
قربّ .. قربّ التصويت

إحترامي ... إحترامي
الناس تألّف قوايم
عضويه زي  الازم
ريحا مش حلوي شامم
في واحد بعدو نايم
الغَدِر على الطريق
وغير ربك ما دايم
قربّ .. قربّ التصويت

إحترامي ... إحترامي
إحترامي للأعضاء
صيتهم ملاّ الفضاء
يدعوا لرب السماء
 خبره وإدارة شؤون
بلاش يكونوا أطبّاء
علقليله يفكوا الحرف
قربّ .. قربّ التصويت
 
إحترامي ... إحترامي
المركز عند الشنؤلي
شو بدِك أحكي وقولي
وبالساحه صولي وجولي
الأرجيلي عرضي وطولي
خصمك راح اليوم بكير
تايمسك أحلى قعدي
قبال الشارع يا وعدي
وأنت ليه قاعد عندي
بكرا بيحتلوا المركز
وببقى معك لحالي
قربّ .. قربّ التصويت

إحترامي ... إحترامي
بتحكي, بتحكي... يا سلام
ما بيأثر فيه كلام
كل مشيّه للأمام
ما بيقرّب للحرام
إلا في جنح الظلام
كل همه يملا جيوبه
وعلى الدنيا السلام
قرب ... قرب التصويت

إحترامي ... إحترامي
بكرا بيذوب الثلج
ومن تحته يبان المرج
لا  تكشفوا له عيوبه
عن قريب يزيد الهرج
قربّ .. قربّ التصويت

إحترامي ... إحترامي
إنسوا وعوده وما مضى
ما بيخاف من القضا
وغير حقه ما ارتضى
ليه تتمزعل الناس
بالأمر ربك قضى
قرب ... قرب التصويت

إحترامي ... إحترامي
إحترامي ... للفساد
وأكل أموال العباد
والطمع بالازدياد
والتغيّر في البلاد
من عمومي للخصوص
صار لمصلحة العباد
قربّ .. قربّ التصويت

إحترامي ... إحترامي
في دروب الصلح سار
وانتقل من دار لدار
يسمع نشرات الأخبار
ويلحّن على  الأوتار
وينقّب عن الأعذار
عن غيابه ليل نهار
عن مصالح العباد
المؤمنين والكفّار
قربّ .. قربّ التصويت

إحترامي ... إحترامي
هدفه للناس السعاده
والكل يعيش برغاده
مستحيل تكون سياده
الهدف من الرياده
بلا نقصان ولا زياده
عيّنه معلّم رسم
ما في حاجه للشهاده
قربّ .. قربّ التصويت

إحترامي ... إحترامي
روى الراوي من زمان
سكان البلد إخوان
محمد الياس وعنان
الكل ينعم بالبستان
تفاح وخوخ  ورمان
الحاضر غايب كمان
والغايب أكيد حلمان
بالمنّ وسلوى وسمّان
وآخر كلمه  للراوي
تحيا.. تحيا  أ بوسنان
قربّ.. قربّ التصويت
إحترامي ...للنَسيان

أبوسنان