موشحات للأُم إِحْلَوَّ العود /بقلم:أسماء طنوس

يا ملَوِّنَـه ﭐلْوانــــــي بأَلـــــــوانِ الرَّبــــــــــيـع --- انـتِ الجَنايِـن وَالزُّهـورُ البــــــــاسِمـَه سُبحان رَبّي الخالِـق الحُسْنَ البَديـع --- خَلّى ربيعَ الكـونِ أحلـى مواسِمـا _____________ لولا وُجودِك يَمّا ما كـان لي ربيـــــــع --- انتِ الوَرِد وِالطّيور وأَرضيَ الخَضْرا مِثْلِ الغُصُن كُنِت عصَدرِك رَضيع --- كُنـــــــتِ النّســــايِـم لِـيَّ ترَطّبــــي الحَـــــرّا ______________ يا عامِلَـه الأيديـنِ لأَجلــــــي سَريــــــــر --- تَنّي أنـام مِرتاح والخــوف يُترُكنـــــي يا لابسـه بالعــــيـدِ فُستـــــــانَ الحريـــــر --- وِﭐذيالُه مشَبَّكِـه بِعْـروق تِسْحِرنــــــي ______________ وِمْتَوَّجِـه بِوْرود عَالجَبْهِـةِ البَيْضــــــــا --- وِخْدودِكِ بهالعـــــيـدِ تْلَوَّنَـتْ حَــــــمْـــــرا وِﭐحْلَوّ جمـالُ العـودِ الناطِـقِ بقَـدِّك --- وَرَّد شَفايِـــــفـِك الِمْطَعَّمِــــــه بخَـــــمْــرَه _______________ وِبْعيني لمّا بشوفِـك بَشـوف الدِّنـي --- ما بْعود أنا مِحتـاج لِغَيرِك صديـق وِبْشوف حالي فيكِ يـا حُبّـي الهَنـي --- وبَلْقَى السّما بِوَجهِكِ الباعِث بَريــــق _________________

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب . لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net