موعدنا-بقلم صديقتنا:روان كمال اغبارية

موعدنا

نطر قلبي على درب اللقا ويا ريتو ما نطر
قلي انطريني موعدنا الظهر
نطرتو وما اجى خلى حنيني قهر
لك روح يا خاين من بين البشر
أجاني ملخوم ما يدري كيف يتعذر
يقول اعذريني والله نسيت
ما تخلي عنادك عليي يتكبر
وانتي أدرى الناس غيرك ما حبيت
وحياة عمري الله يقصف هالعمر
ما عاد عيدها من زعلك انا تربيت
ما سامحك يا محبوبي مالك عذر
من حياتك انا طالعة
تقولي موعدنا الظهر واستنى لبعد العصر
تنطرني ساعة بعد ساعة
أنا أهون عليي يضمني القبر
ولا احس عيني لاجل ذكر دامعة
ولك يا مجنونة تروّي واعقلي
لا تهدّي اللي بيننا لاجل موعد ضايع
ولونّك ما تكوني الي
لَنادي عقلبي بالجوامع
امشي تا نحل المسألة
ولشروطِك أنا طايع وسامع
أول شرط تحبني كثير
وثانيه حبك لي كل يوم يكبر
وثلِّثهم باهتمام كبير
واختمهم بعاطفة مع الزمن ما تتغير
ولك يا روان بتؤمري على قلبي أمر
اؤمريه وعليه تشرّطي
كرمالِك لَمشي حافي عالجمر
بس اوعك يوم بهالحُب تفرّطي
وبعد ما هديتي خلّيني قلّك شي زغيَّر
بدون ما تتشغنفي وتعيّطي
أيوة صحيح موعدنا الظهر
بس مع محبوبك خذي واعطي
احنا بأواخر الصيف يا قمر
وموعدنا يا مجنونة أول الشتي

روان كمال اغبارية ~