موشحات يا الإِسمَك حُلُو/ بقلم: أسماء طنوس

انتَ الرَّبيعُ الجـايِ بِعيونَـك أَمَـل --- تُفْرُش لِنا بْساط المحَبِّـه عَالدُّروب جايِ تِحَلّي ﭐيامنـا مِثْـلَ العَسَـل --- تُرسُم لِنا البسمات وتِدَفّـي القُلـوب

انتَ ربيعُ الكونِ يا الإِسمَـك حُلُـو --- ريتُه الحلى يِدوم وأَيّامُـه يِطَوِّلـوا
بتِرتاح فيك الرّوح مِن فَرْحِها تْغَنّـي --- وبيطيب جُرْحُ القَلب لمّا انْتَ تْجَمِّلُه

وِالدِّنْيي كُلها بتِعْشَقَـك مِثْلَ الهـوى --- أَلنّـاسُ الحيـوانُ وطيـورُ الفَـلا
جَمالَك مِثل لَوْحات صُوَر مصَـوَّرَه --- بِتْمَتِّـعِ الأنظـارَ مِن كُثْـرِ الحَلى

عَاغْصانَك الأطيار بِتْقوم صُبْحِيّـات --- بِتْصَبِّح عَالكـون توَدّيلُـه غِنّيـات
عَصَوْتِ نَغماتهـا الأغصان بِتِتْمايَـل --- بِتْلَـوِّح لَلبِعيـد بِتْـوَدِّي تَحِيّـات

والمراعي الخضرا مِثْلِ ﭐمْواج بَحْرِيِّه --- بتِلْمَع بِنور الشَّمْس بأَلوان سِحْرِيِّه
وِالرّاعي وَرا الغَنْمات بيِعْزِفِ الألحان --- بتِسْرَح مَعو بَكّير وبِتْعود عَصْرِيِّه

المكر 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net