موشحات للأُم: بتِبقي ٱلْمِواسِمَ الْخَضْرا/ بقلم: أسماء طنوس

يا لَوْنَ الْجنايِـن ويا بَسْمِـة زهـور --- يا أَمَــــــل أَخضَـــــر بيـــغَـــذّي آمــــالـي بتِبقي على الطُّرُقات إِشـارَة مُـرور --- بتِبقي نوري وشمسي تضَوّي كِرمالي بعيونِكِ الْحُلْـوَه النَّظـراتِ تروينـي --- فيهم كَلامُ ﭐلْعِبَـر بِتريــــــدي تهدينـي وأَلْقاكِ في ضَعْفي دَايْمًا تِعينينـي ___________________________ بعيونِك راحَتـي وِشْـــــعـوري بالأَمـــــان --- وِبغيـــــبِتِـك عَنّـي أَلْقــــاكِ في خَيـــالـي أَبْقى الطّفِل الِصْغيـرِ عَطولِ الزَّمـان --- وِبتبقَـى غِنــــــوِتِـــــــك تِكْتِــــبـلـي مَــــوّالـي إِن كان الْجِسِم فاني الرّوح ما بْتِفْنَـى --- بتِفـرَح بالأَغـــانـي بتِــــبـقَـى تِتْــــغَـــــنَّـى وِالرّوح عَشْقانِه نَغَم وبِتْحِبّ ﭐلْغِنـا ____________________________ بتِبقي فَرْحِةِ الأيّام وعَروس أَحلامـي --- كُل ماالصَّباحِ طَلّ بتيجي على بالـي وكُل ما صابني ضَجَر بِتبَدِّديﭐوْهامي--- بلاقي مين يشِدِّني ويِرأَف على حالـي بتبقي الرّبيع الدّايم بمَواسِمُه الْخَضْـرا --- وِبتـبقي وُرود الْحُبّ بأَلوانِـــها ﭐلْحَمـرا بتِبقـي لِنا الأَفراح بِتْلَوِّنـي ﭐلْعُمْرا

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com