موشحات الطبيعة فرحانِة

ما احلى  الوَرد وجمـالُه

بيُرسُم بسـمـات 

عَمَّ   بيِبـعث  مِرســالُه

مع النَّسـمــات 

_______________ 

ما احلى الطّيرعلى غُصنُه

عَم بيغَنّي 

بيِحكي شعـورُه باغنـاني

ومِتهَنّي 

بيـنـادي عـلى رفيـقٌـه

يِسمع لَحنِ

ويِلتَمّوا  بِالعـصرِيِّـه 

بأحلى سهرات  

______________

والطّير عامل أُُرجوحَه

مِرتاح البال

فرحان قاعد مِتهنّي

بِأحسن حال

لا شَغلِه ولا عَملِه

بيِبعث مَوّال   

بينادي ياللا تَعوا

نِسهر  لَيْلات 

_____________ 

وعصفوره قاعدِه بعُشّا

عَم تِدَّلَّع

وِافراخــا  حَـواليـها

عَم تِتمَتَّع 

بمِنقارا  تطَعمي  إبنا

تَنّو يشبع

بيجيلا الفرخ الثّاني

بَدّو لُقمات