موشحات السلام
قصيده موشحات السلام بقلم: اسماء طنوس المكر
يا ربّي اعطينا السّلام ___ دَرب الأماني اهدينا
بيــكفيــنا حِـقْـد وآلام ___ المــحبِّــه أعـطـيـنــا
___________________________
المحبِّه نفحاتُ الطّيب ___ بريحِة عِطرا بتشفينا
ولمّا الجُرح فينا يطيب___ مِنكون الجُرح نسينا
___________________________
يا ربّي إزرَعنا ورود ___ حـتّى فيـنا تحَـلّيـنــا
وِالوردِ يزَهِّر وعــود ___ حتّى الوَعدِ يلاقيـنـا
___________________________
المـحبِّـه بِبَـردِ الأيّـام ___ في قلـوبنـا بِتـدَفّيـنـا
ومهما عَصفتِ الأيّام ___ منِ الشّدائد تِحمـينـا
