في أحضانك خَبّينا

إمّي العدرا يا حنوني في أحضانِك خَبّيني
ودفّي قلبي هالبردان من نسمات تشريني
قلبي صغيَّر مَ بيرتاح إلّا لمّا تغطّيني

بدّي منّك شي قصّة بتحكي عن خيّي يسوع
عن زعلاتو والغصّة لمّا كان يبكي ويجوع
وعن مزحاتك وشي قَرصة تنزِّل من عَيْنو الدّموع

ماما العدرا يا إمّ النُّور بجاه الغالي فادينا
انت الورد والمنتور دخلك ظلّي حبّينا
ولا تنسي اطفال الكون والمدينة والمينا