في أحضانك خَبّينا/ بقلم: زهير دعيم

إمّي العدرا يا حنوني في أحضانِك خَبّيني
ودفّي قلبي هالبردان من نسمات تشريني
قلبي صغيَّر مَ بيرتاح إلّا لمّا تغطّيني

بدّي منّك شي قصّة بتحكي عن خيّي يسوع
عن زعلاتو والغصّة لمّا كان يبكي ويجوع
وعن مزحاتك وشي قَرصة تنزِّل من عَيْنو الدّموع

ماما العدرا يا إمّ النُّور بجاه الغالي فادينا
انت الورد والمنتور دخلك ضلّي حبّينا
ولا تنسي اطفال الكون والمدينة والمينا

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com