زجل للصبوحة شحرورة لبنان/بقلم: اسماء طنوس

أحلى مِنِّك صبّوحَه  ما شُفِـت يا شحـروره لَمّا بتِطلعي الموّال  الأرزاتِ تْهِزِّ خْصورا *** أعطيتِ مِنِّك الِكثير  كُنتِ دايمــاً طمــوحَــه أطرَبْتِ الِكْبير وِالصغير وكُنتِ دوا المجروحــا يا زهره مِنكِ العبير  وِبْتِنعِشي المـطروحَــا صوتِك أصدَقِ التّعبير وبسماتِك أجمل صورَه *** سَحَرتِ كُلّ الِقلوب  بأوف ودبكِه شْمالِيِّـــه يا خَمرَه أنتِ المشروب يا أْصـــولِ اللّبنــانيِّــه انتِ السّلوى للمغلوب بطَـــلّاتِـــكِ البَــهِيِّـــه رَشّيتِ الحلى عَدْروب الدِّنيي فيكِ مسحورَه *** لُبنان بمجـدُه تْعَمَّــــر  لَمّا صوتِك غنّالُـــه سُبحانُه يااللّي صَوَّر  وأبدَع فيكِ جمـالُــه لُبنانُ وشعبُه تْنَــوَّر  وِاهتَزَّت مَعو جْبالُـه حُبِّك باقي وعَم يِكبر قلوبنا فيكِ مَغمــورَه *** غِنِّيــاتِـــك بِالِألـــوف فُقْتِ الرّقم القيــاسـي هذا الشّيء المِش مألوف فَنّك من دون دِراسِـهِ مْحِبّينِك صْفوف صْفوف حَبّوا الصّوت بْحماسِه عَلّوا الزّقفِه بِالِكْفــوف  دَوَّت كُلّ المَعمــورَه *** صوتِك بيفَجِّر الِصخو لَمّا يْغــرّد بالمـوّال بيحَلِّق مِثِــل الِنُّســـور  بيِتعلّى فوقِ الِجْبال غِنِّيّاتِك وِسْــعِ بْحــور  بِالطّرَب وراحةِ البال بغُناكِ بَنـيتِ جْســـور صِرتِ أعظم أُسطورَه  

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net