زجل صرخة طفل/ بقلم: أسماء طنوس

صرخِة طِفل وَسْطَ الحُـروبِ قـد دَوَتْ ليه عَم تُقتُلوا الأطفال واحِد وَرا الثّاني شايِف عمارِة بيتنا بِالصّاروخِ اتْهَدّمَـت وينِك يا أُمّي ويا بَيّي ويا كُلِّ إخــواني صاروا تحِت أنقاض عَماره قــد هَـوَتْ بْقيت وَحدي بصرخِتي ما حَد سَمعاني ياللّي جِبتوا الحرب وِالنّاس مِنكواتْقَتَّلَت حرام ياللّي بتِعملوه فينا بجـاهِ رحمـانِ شو صار بهالبشـر وِقلوبهُم قــد قَسَــتْ شو هالقساوِه وهالحِقِد بِقلوب مليـانِه وشو ذَنــب هالأطفــال ياللّــي تْيَتّـَمَــتْ بأوَّلِ عُمُر ولِسّا بَعِد ما فِرحوا ثواني وشو ذنــب تِلــكَ الأُم ياللّــي تْرَمَّـــلَتْ وخِسرَت كمان اولادهابِهجوم عُدواني شوفوا شـو صــار بهالبــلاد اتْخَـــرَّبَتْ لا مَيِّه فيها وكهربا ومن جوعا بِتعانـي حتّـى الدّوا ما في ومَشافــي اتْهَدّمَــتْ إمتى وكيف راح ترجع الِبلاد عَمرانِـه شو فايدِة هالحـــرب ودَمـارا خَلَّفَـــت ورَجّعَت الِبلاد سنين لِعَصرا الأوّلانـي وقَدّيه خسايِر للأهالي في بلادهم كَلَّفَت ما ظل عندهم أمَــل حسّوا الحيـاه فانِيه وياللّي عِملوا الحرب شياطينهم دَعَــتْ تَيْدَمِّروا الِبلاد وتِصفَى بِلا ناسِ ومبانـي ولَوْ جرَّبوا السّلام وذاقوا الحلاوَه فيــه لَتْعَمَّرَت الِبلاد والناس فيهاقدعاشوا بأمانِ ولَوْ بَدّلوا السيوف بمناجل بيِربحــوا فَالسِّلمُ نِعمِه منِ السّمــا من رب رحمــانِ

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net