زجل توبوا لِتَنالوا اؐلغُفران بقلم:اسماء طنوس

ربَّك بيدعيك يا إنسان __ ترجع وتّوب للرّحمان
ما بدّو اؐلخاطي يِموت __ حابِب يعطيك اؐلغُفـران
___________________________
ياللّي تُهْت بطـريقـك __ وصِرْت مقَيَّـد كَاؐلأسيـر
إبليس هُوِّ ال بيريدَك __ تَتْكَـمِّـل مَـعْـهُ اؐلمــسيـر
ماشي وماسك بِإيدَك __ عامي عيونَك كَاؐلضّرير
إصحَ وصَحِّ ضميرَك__ لا تـحـتِــرِق باؐلـنّـيـران
___________________________
مانَّك ماشي باؐلصَّواب__ وبتْـحـب اؐلأذى لِلْـغـيـر
ودوم بتِسعى للخَـراب__ وِبتِـكْـرَه أعمـال اؐلخيـر
ليه وجهَك زَيِّ اؐلِغراب__ وما بِتغرِّد مِثل اؐلطّيـر
ومالَك باؐلدِّنيي أصحاب__وضميرك دايماً تعبان
___________________________
إسألْ نَفسَك رايِح وين__ عَاؐلجـنِّـه واؐللّا عَاؐلـنّـار
حاسِبْ ضميرَك تَيْلين__وتِتراجَع عنِ اللّي صار
وتُطلُب رَبَّك اؐلمُعـين__ ربَّـك لِـذنــوبَــك سَــتّـار
وتِلعن إبليس اؐللَّعيـن __ يااللّي نَــسّـاك اؐلعِنـوان