زجل الضرير/ بقلم: أسماء طنوس

ياللّي ما بِقشَــع الحَق بيِتســمَّى ضرير بقلبُــه ما في نور وعايِــش في ظــلامُه حتّى لَوْ عيونُه مُبصِرَه وهو مِش بصـير بيكون عنِ الحَقِّ أعمَى وِبيِصدِرِ احكامُه ما بيِقدر على التّمييز والقلب شو شِـرّير بيِهــوى الكـذِب والغِش بيــبان بكــلامُه وناس فاقدين نعمِة النّظر بَس القلِب مُنير بتِعرِفِ الصّــواب والشّــرّ بتِبــعِدِ اقدامُه والعامل بحِكمِه ما بـيلاقي شيء عســير كُل المشــاكل بتبــقى تُــهرُب من أمــامُه بيُــــملُكــها بالإيمـــان منِ الرّبِّ القديــر بيعطي البصيرَه للقلِب بيــوهِب ســـلامُه واللّي أعمالُه بتِرضي رَبُّه بالنِّعمِه جـدير الله بيِرضَى عاللّي بيحَنِّنِ قلوب بكـلامُه