زجل أيّار فيك الهَنا والخير/بقلم:اسماء طنوس

أيّار يا وَجْهَ الخير والأمطار جايِب لِنا البسمات وأحلى اخبار جِبْت الهَنا والخير وِالرِّزقات وِالغِـــلِّــه للــفــلّاح وِالأثـــمــار *** جِبت النّشاط للعاملِ الفــلّاح يِنزِل عَحَقلـُه بِطْــلوعِ الصّـــباح يُقطف ثِمارَ الخوخِ والتُّفّـاح خُضره وفواكِه بِتْــطَوِّلِ الأعمـار *** يااللّا عَحَقلَك أُحصُدالقمحات بَعد التّعَب وِالجُهد بتِجني الغِلّات رَبِّ السّمايزيدَك مِنِ البركات بَعدِالتّعب تِجني اغمارفوق اغمار *** وِمنِ التّعب بالخير عَم بِتجود والطّبيعه بتِعطي الكرَم وِالجـود وِالرِّزِق جايِ من رَبِّ الوُجود مِثْلِ الذّهب بيلالــي عالأشــجار *** وشمس الصُّبِح بتِبعَثلاالبسمات بأنوارها بتِحكيــها بالغمــزات بيِبقى الغزل والحُب باللّمسات بتِبعث لِها الهمسات مع الِاطيار *** جايِه الطُّيور تنَقوِرِ الحبّـــات خوخ وعِنَب ومشمش وكَرزات بينِ الغُصون بتلالي كالضّيّات ربّي يــِدوم الخـــير عالأخيــار

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب . لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net