بقلم: سيمون عيلوطي

يـا كــون شو صايِر بْهِل دارَك طَمِّنـي عَنهِن إيدي فْ زُنَّــارَك مَشغول عَليهِن كُلْهِن هيكي سَوا ... تَوْحيدي بوذي كُل أطياف الهَوى يــا كـون قلبـي جَنْ عَ أوجــاعَك! *** كْثير شُفْت من مَصايِب هَالزَّمن وَيلات صِعبِه وْكل أشكال المِحَن طوفــان يُجْرُف كُلْ شــي يْهِزِّ البَدَن قّدِّيش مَهـالِك فِ السِّر وْفِ العَلَـن وِهْموم ما تيجي عا بالي وْبالَك!! ** يــــا كون نــاقِصْنـــا راحِـة بـــــال سْنين تُمْرُق وأنْتْ عا هَالحال مِشْتاق أشرَب قَهوِه مع هال بِالجَّنايِن أقعُد جَــدِّد الآمال وْهَالصَّافي يِطرِبْني بشي موَّال وِالكون يِحلالــي وِيِصْفــالَك ...

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com