بقلم: سيمون عيلوطي

عُنْف عَرْبَد حولْنا بْليل السَّواد كُل شي بِتْحرَّك حِلو عِمْلو جَماد أشْباح تِطْلَع من تَحِت كوم الرَّماد تِمْعَط وْرود الصِّبا تِزْحَف جَراد... *** عُنْف ما خَلَّى حَدا،..، قّدِّيش راج يُجْرُف الصُّوت وِالصَّدى وْبِالنار هاج يِهْبِش بْمَدِّ المَدى يِطفي السِّراج...، بْهَالعَتِم رايِح سُدَى زين البِلاد...!! *** مَرْهون صايِر عُمُرْنا بْكَبْسِة رَصاص يْلَعْلِع بْفَلْتِةْ حُكُم ما في خَلاص فَلْتان هيكي هَالجُّرُم مِنْ غير قَصاص... يُقْطُف رْواح الزُّلُم وِالحُب لاص جْروحنا عَم يِنزِفو عَمِّ الفَساد... عُنف ما حَد وَقَّفو منشوفو ساد،... نار عا روس العِباد!!...

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com