بقلم: أسماء طنوس - المكر

سَلِّم الِهـمـوم لربَّك ---- بِتـلاقي عِنـدُه الِحْـلول خَلّيه مُرشِد لِدَربَك ----ولا تْخَلِّ بالَك مشـغول ___________________________

ألله بيِعرف احوالَك ---- عِندُه خِطَّـه لَك بيريـد
لا تِتْـوكَّـل عَحـالك ---- بدونُه راح تِفشل أكيـد
ألله بيِعمل كِرمالَك ---- لا تْفَـكِّر حـالَـك وَحـيد
هُوِّ بيِحمِل أحمالَك ---- لَمّا بتُطلُب راح بِتْـنول
___________________________

حُط بِالرّبِّ إيمانَك ---- بِـاتِّـكـالَــك راح تِـلـقـاه
ما بيخـونَك زمانَك---- ما دام انتَ ماشي مَعاه
ما مرّه رّبَّك دانَك ---- لَـمّـا بتِـتصـالَـح وَايّــاه
راح بيعَزِّز مَكانَك---- لَمّا بتِمـشي عَالأُصـول
___________________________

ألله ما عِنـدُه تَمْيـيز---- هُــوِّ الــمُـحِــبّ الإلــه
إلَك كَرامِه وتَعزيز---- وما عِنــدُه إلمُـحـابــاه
ما بِتلاقي إلتَّعجيز ---- ولا عِــنـدُه إلمُـعــانـاه
عَقَلبُه أنتَ عزيــز---- حُبُّه إلَك مِش مَـعـقـول

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com