النَميمه جَريمه بقلم منير خليلية

الدٌنيا انقلبت ..والناس النميمه استحلت ..والغيره بيوتهن ما تَركت ..النَميمه ياما ضَربت ..

بكلام انخبطت ..
بنت فلان انخطبت ..
بس يا خايسه بقولوا مره انخطفت ..
عزا .. عزا .. كنوا منهن استحى ..
واهله لساناتهن ارتبطت ..
ياما امها انجلطت ..
قد ما كانت تتزبط .. وعاالحٌب تتشعبط ..

حَسد .. ونَكد .. وحيره ..
والغيره مش قليله ..
فنجان القهوه ونميمه .. وجع راس وتَعب ..

شو جابلها ذهب .. ؟؟ ..
طقم عادي .. مش هاالقد غالي ..
وكلمتين منه .. تعالوا شوفوا داري ..

والله يا حبيبتي .. هاالناس بس بدها تجَوز ..
حتى لو كان ختيار وبعَكز ..
تنشوف عاالفرح شو راح يلَبس ..
لنتراجع وعقولنا انجلس ..

لوين راح نصل .. !! .. التفكير لوين وَصل .. !! ..
الفاضي متفضي .. جوابه بعطي بدون ما ينسأل ..

اولادها باالشوارع ..
ومقدمه لنفسها المواجع ..
زوجها اللي من العمل راجع ..
ما بتحل عنه من المراجع ..
وان غلط وصار يدافع ..
بنضرب بضربات مدافع ..
مجبور حتى لو كان مقهور .. يكون سامع ..

النَميمه جَريمه ..
والدٌنيا انقلبت ..
والناس النَميمه استحلت ..
والغيره بيوتهن ما تَركت ..
اه .. ياما ضَربت